Grievance Redressal Camp in Pahalgam: پہلگام میں عوامی شکایات کے ازالے کیلئے خصوصی کیمپ

ضلع اننت ناگ کے پہلام میں، ضلع ترقیاتی کونسل کے چیئرمین چودھری محمد یوسف گورسی نے ینڑ، پہلگام بلاک کا دورہ کیا جہاں ایک خصوصی عوامی دربار کا انعقاد کیا گیا۔ اس دوران انہوں نے عوام سے پرامن ماحول میں امرناتھ یاتراہ کے انعقاد اور علاقے میں صفائی ستھرائی پر زور دیا۔ District Development Council Chairman Chaudhry Muhammad Yousuf Gorsi۔

پہلگام: ضلع ترقیاتی کونسل کے چیئرمین چودھری محمد یوسف گورسی نے ینڑ، پہلگام بلاک کا دورہ کیا جہاں ایک خصوصی عوامی دربار کا انعقاد کیا گیا۔ اس موقع پر اے ڈی سی اننت ناگ بشیر احمد وانی بھی موجود تھے۔ کیمپ کا انعقاد امرناتھ یاترا شاہراہ کے قریب واقع مقامی لوگوں کے مسائل، مطالبات اور شکایات کا ازالہ کرنے کے لیے کیا گیا Special Grievance Redressal Camp in Pahalgam۔

چیئرمین نے امرناتھ یاترا 2022 کے پرُ امن انعقاد کے لیے پی آر آئی، اراکین اور عام لوگوں کے ساتھ بات چیت کی۔ انہوں نے کہا کہ یاتریوں کو سازگار ماحول فراہم کرنے کے لیے، پی آر آئی ممبران اور عام لوگوں کو اہم کردار ادا کرنا ہوگا۔ عوامی نمائندوں اور لوگوں نے کچھ مطالبات سامنے رکھے، جن میں کرشنگام گاؤں کے لیے پانی کی فراہمی، اضافی ایس بی ایم، بیت الخلاء، صحت مرکز کے لیے ڈاکٹروں کی دستیابی، سنہ 2017-18 کے منریگا کام کی ادائیگی، بجلی کی باقاعدہ فراہمی، مارٹنڈ نہر کے پل کی تکمیل، ٹاور کی سہولیات شامل ہیں۔

اس موقع پر پہلگام کے بٹ کوٹ علاقہ میں موبائل ٹاور، ینڑ کے لیے اسٹریٹ لائٹس، پہل پورہ کے لیے الیکٹرک وائرنگ، چاریگام روڈ کی میکاڈامائزیشن، سب سینٹر ریحس کولبل کے لیے لیڈیز ڈاکٹر، بیس کیمپس میں صفائی و دیگر مطالبات کو اجاگر کیا گیا۔ اے ڈی سی اننت ناگ نے اس موقع پر موجود متعلقہ محکموں کے افسران کے ساتھ لوگوں کی طرف سے اٹھائے گئے مسائل پر تبادلہ خیال کیا اور انہیں ترجیحی بنیادوں پر شکایات کا ازالہ کرنے کی تلقین کی۔

انہوں نے گائوں کے اندر اور یاترا کے راستے میں صفائی برقرار رکھنے کی ضرورت پر زور دیا۔ انہوں نے متعلقہ افسران کو مزید ہدایت دی کہ ترقیاتی کاموں کو جلد مکمل کیا جائے۔ بعد میں گورسی نے یاترا 2022 کے ہموار انعقاد کے لیے سہولیات کے سلسلہ میں چندن واڑی کا دورہ کیا۔ انھوں نے بی ڈی او اور متعلقہ حکام کو بیس کیمپس پر تمام سہولیات کی فراہمی کو یقینی بنانے کی ہدایات دیں۔