اولمپک کے چھٹے دن کی شروعات بھارت کے لیے خواتین ہاکی ٹیم نے کی۔ رانی رامپال کی قیادت والی ہاکی ٹیم کو برطانیہ کے ہاتھوں 1-4 سے شکست کا سامنا کرنا پڑا۔
اس طرح بھارت کے لیے دن کی شروعات خراب رہی لیکن اسٹار شٹلر پی وی سندھو اپنا دوسرا میچ جیتنے کے بعد ناک آؤٹ میں داخل ہوگئیں جس سے ہاکی ٹیم کی شکست کا درد تھوڑا کم ہوا۔
اس کے علاوہ آرچر(تیر انداز) دیپیکا کماری اور باکسر پوجا رانی آخری 8 میں داخل ہوئیں جس سے بھارت کی میڈل کی امیدیں جاگی ہیں۔
اسی دوران بیڈمنٹن میں پی وی سندھو ہانگ کانگ کی چی یُنگ نگن کو شکست دے کر ناک آؤٹ مرحلے میں پہنچ گئی ہیں۔
واضح رہے کہ بھارت کی جھولی میں ابھی تک محض ایک ہی میڈل آیا ہے جو میرا بائی چانو نے ویٹ لفٹنگ میں حاصل کیا۔
پی وی سندھو، پوجا رانی اور دیپیکا کماری نے ٹوکیو اولمپکس کے چھٹے روز اپنے اپنے میچ جیت کر بھارت کی میڈل کی امیدوں کو زندہ رکھا۔ شٹلر پی وی سندھو اور آرچر دیپیکا کماری نے پری کوارٹر میں قدم رکھا ہے۔ اب 29 جولائی یعنی ٹوکیو اولمپکس 2020 کے چھٹے دن بھارت کی جانب سے منو بھاکر، میری کوم، پی وی سندھو وغیرہ دیگر کئی کھلاڑی میدان میں ہوں گے۔
