ایس ایم سلطان کورونا وائرس سے متاثر تھے اور انہیں علاج کے لیے گزشتہ روز ہی ہسپتال مین داخل کرایا گیا تھا لیکن وہ جانبر نہ ہوسکے۔
انتقال کے وقت ایس ایم سلطا کی عمر 61 برس تھی۔ پسماندگان میں ایک بیٹا اور ایک بیٹی ہے۔ ان کی بیٹی آسٹریلیا میں مقیم ہے اور اتوار کے روز بھارت پہنچنے کی امید ہے۔
ٹیبل ٹینس فیڈریشن آف انڈیا کے سینیئر نائب صدر کا کنبہ کورونا سے بری طرح متاثر ہوا ہے، دس روز قبل ہی ان کی والدہ کا بھی کورونا وائرس کے سبب انتقال ہوا تھا ابھی ان کا کنبہ اس صدمے سے باہر بھی نہیں نکل سکا تھا کہ ایس ایم سلطا، ان کی اہلیہ لبنیٰ موساوی اور بیٹے جاوید موساوی کو بھی اس وائرس کے سبب ہسپتال میں داخل کرایا گیا تھا لیکن کل شام ہی ان کی بیوی کا بھی انتقال ہوگیا جبکہ بیٹا وینٹی لیٹر پر ہے اور اس کی حالت بھی تشویشناک بتائی جارہی ہے۔
ٹی ٹی ایف آئی کے صدر دشینت چوٹالہ، جنرل سکریٹری ایم پی سنگھ اور مشیر ڈی آر چودھری نے سینیئر نائب صدر ایم ایم سلطان کے انتقال پر گہرے رنج و غم کا اظہار کیا ہے۔
