سابق نمبر ایک سوئٹزر لینڈ کے اسٹار ٹینس کھلاڑی راجر فیڈرر نے جرمنی کے ڈومنک کاپ فیر کو سخت مقابلے میں چار سیٹوں میں شکست دے کر فرینچ اوپن کے چوتھے راونڈ میں پہنچنے کے باوجود سال کے تیسرے گرینڈ سلیم ومبلڈن پر اپنی توجہ مرکوز کرنے کے لیے فرینچ اوپن دستبردار ہوگئے ہیں۔
راجر فیڈرر نے ٹویٹ کے ذریعے کہا کہ وہ فرینچ اوپن سے اپنا نام واپس لے رہے ہیں کیوں کی وہ اپنی توجہ ومبلڈن پر مرکوز کرنا چاہتے ہیں۔
- — Roger Federer (@rogerfederer) June 6, 2021 " class="align-text-top noRightClick twitterSection" data="
— Roger Federer (@rogerfederer) June 6, 2021
">— Roger Federer (@rogerfederer) June 6, 2021
فیڈرر نے اپنے ٹویٹ میں لکھا کہ 'اپنی ٹیم کے ساتھ بات چیت اور صلاح و مشورے کے بعد میں نے ٹورنامنٹ سے دستبرداری کا فیصلہ کیا ہے۔
فیڈرر کا کہنا تھا کہ 'ایک سال سے زیادہ عرصے تک گھٹنے کے دو آپریشن اور ری ہیب پروگرام کے بعد یہ ضروری ہے کہ میں اپنے جسم کی آواز سُنوں۔ مجھے یہ یقینی بنانا ہوگا کہ میں چوٹ سے اُبھرنے کے بعد خود پر زیادہ بوجھ نہ ڈالوں۔
انہوں نے مزید کہا کہ 'میں تین میچ کھیل کر بہت خوش ہوں۔ کورٹ میں واپس آنے سے بڑی خوشی کوئی نہیں ہے۔
بیس بار کے گرینڈ سلیم چیمپئن راجر فیڈرر گزشتہ برس گھٹنے کی دو بار سرجری کے بعد گزشتہ 17 مہینوں میں اپنا چھٹا میچ کھیل رہے تھے اور جیتنے کے بعد انہوں نے کہا کہ وہ 28 جون سے شروع ہونے والے ومبلڈن کے لیے خود کو محفوظ رکھنا چاہتے ہیں۔
یہ پوچھے جانے پر کہ وہ خود کو ٹورنامنٹ میں کتنا آگے لے جانا چاہیں گے تو 39 سالہ فیڈرر نے کہا کہ مجھے یہ فیصلہ کرنا ہے کہ مجھے کھیلنا جاری رکھنا ہے یا نہیں۔ مجھے یہ دیکھنا ہے کہ مجھے اپنے کھیل کو آگے کھینچنے میں کوئی زیادہ خطرہ تو نہیں ہے یا پھر آرام کرنے کے لیے یہ صحیح وقت ہے۔
واضح رہے کہ فیڈرر کا نویں سیڈ اٹلی کے ماتیو بیرٹینو سے مقابلہ ہوگا اور جیتنے پر وہ کوارٹر فائنل میں عالمی نمبر ایک کھلاڑی سربیا کے نوواک جوکووچ سے مقابلہ کر سکتے ہیں۔
فیڈرر نے کہا کہ وہ یہ جاننا چاہتے ہیں کہ کیا وہ جووکوچ یا گزشتہ چیمپئن اسپین کے رافیل ندال کی طرح اپنی بہترین فارم میں ہیں یا نہیں۔
سابق نمبر ایک کھلاڑی نے کہا کہ میں اس وقت ندال یا نوواک کی جگہ ہونا چاہتا ہوں مجھے اچھا لگ رہا ہے میں اچھا کھیل رہا ہوں، میں جیت رہا ہوں لیکن میرے اندر اس طرح کے جذبات نہیں ہیں۔
سات بار گرینڈ سلیم چیمپئن میٹس ولینڈر نے فیڈرر کی کارکردگی کی تعریف کرتے ہوئے کہاکہ مجھے فیڈرر کی کارکردگی دیکھ کر اچھا لگا۔ میں ان سے بہت متاثر ہوں۔
