دراصل وہ مئی میں اینجیلک کربر کے خلاف دوسرے راؤنڈ کے میچ کے دوران چوٹ لگنے کے بعد روم میں کلےکورٹ ایونٹ سے باہر ہوگئی تھیں۔ بعد میں وہ فرنچ اوپن میں بھی نہیں کھیل پائی تھیں۔ 29 سالہ سمونا نے پیر کی شب ایک ٹویٹ میں لکھا، ’’میرے لئے رومانیہ کی نمائندگی کرنے سے زیادہ فخر کی بات کوئی نہیں ہے۔ لیکن افسوس کی بات ہے کہ مجھے پنڈلی کی چوٹ سے شفایاب ہونے میں زیادہ وقت لگے گا، اس لئے میں نے آئندہ ٹوکیو اولمپک کھیلوں سے دستبردار ہونے کا فیصلہ کیا ہے۔
یہ بھی پڑھیں:ٹی 20 ورلڈ کپ 2021 کا انعقاد یواے ای اور عمان میں
قابل ذکر ہے کہ رومانیہ کی اس ٹینس کھلاڑی نے گزشتہ ہفتے دنیا کے قدیم ترین ٹینس ٹورنامنٹ ومبلڈن سے بھی نام واپس لے لیا تھا۔ سمونا نے کہا، ’’فرنچ اوپن اور ومبلڈن سے چوکنے کے بعد اولمپک کو چھوڑنا انتہائی مشکل ہے لیکن میں مضبوط واپسی کے لئے پُرعزم ہوں۔
ہالیپ کے علاوہ سیرینا ولیمس، رافل نڈال اور ڈومنک تھیئم 23 جولائی سے شروع ہونے والے ٹوکیو اولمپک کھیلوں میں شامل نہیں ہوں گے۔
یو این آئی
