دنیا کے 3 نمبر ٹینس کھلاڑی ڈومنک تھیئم نے یو ایس اوپن ٹائٹل اپنے نام کر لیا ہے اس کے ساتھ ہی وہ یو ایس اوپن سنگلز ٹائٹل جیتنے والے آسٹریا کے پہلے کھلاڑی بن گئے۔
یہ تھیئم کا پہلا گرینڈ سلیم ٹائٹل ہے۔ انہوں نے سنسنی خیز فائنل میں جرمنی کے الیگزینڈر زیوریو کو 2-6 ، 4-6 ، 6–4 ، 6–3 ، 7-6 سے شکست دی۔
یو ایس اوپن کی تاریخ میں 71 سال کے بعد فائنل میں پہلے دو سیٹ گنوانے کے بعد کسی کھلاڑی نے ٹائٹل اپنے نام کر لیا۔ اس سے قبل پانچو گونزالیز نے 1949 میں یہ کارنامہ انجام دیا تھا۔
27 سالہ تھیئم نے ایک اور ریکارڈ اپنے نام کیا تھا۔ وہ تین فائنل مقابلہ ہارنے کے بعد گرینڈ سلیم جیتنے والے کم عمر ترین کھلاڑی بن گئے ہیں۔ وہ چھ برسوں میں گرینڈ سلیم ٹورنامنٹ جیتنے والے نئے کھلاڑی ہیں۔
یہ بھی پڑھیں: یو ایس اوپن گرینڈ سلیم پر نیومی اوساکا کا قبضہ
اس سے قبل مارن سلچ نے یہ کارنامہ 2014 میں انجام دیا تھا۔ اس وقت کروشیا کے اس کھلاڑی نے یو ایس اوپن کے فائنل میں کے ای نشیکوری کو شکست دی تھی۔
