میلبورن: بھارت کے دیویج شرن آسٹریلین اوپن مینز ڈبلز کے دوسرے راؤنڈ میں شکست کے ساتھ ہی باہر ہوگئے، نیوزی لینڈ کے آرٹیم سیتاک کے ساتھ کھیل رہے ڈیوج برازیل کے برونو سواریس اور کروشیا کے میٹ پیوک کی جوڑی سے 7-6 (6-2) ، 6-3 سے ہار گئے۔ یہ میچ ایک گھنٹہ 17 منٹ تک جاری رہا۔
اس سے قبل بھارت کے روہن بوپنا مرد ڈبلز کے پہلے راؤنڈ میں ہار گئے تھے۔
بھارتی خاتون کھلاڑی ثانیہ مرزا نے انجری کے سبب پہلے روہن بوپنا کے ساتھ کھیلے گئے مکسڈ ڈبلز میچز کو واپس لے لیا تھا لیکن وہ یوکرائن کی نادیہ کچوونک کے ساتھ ویمن ڈبلز میں کھیل رہی تھیں۔ جس میں پہلے راؤنڈ میں انجری کے سبب انہیں ٹورنامنٹ سے باہر ہونا پڑا تھا۔
ثانیہ اور یوکرین کی نادیہ کچوونک نے گذشتہ ہفتے ہوبارٹ انٹرنیشنل ڈبلز کا ٹائٹل اپنے نام کیا تھا۔
ثانیہ کو پریکٹس کے دوران دائیں ٹانگ پر چوٹ لگی تھی لیکن وہ پٹی باندھ کر میچ کھیلنے پہچ گئیں، 33 منٹ تک جاری اس میچ میں ثانیہ نے کبھی بھی راحت محسوس نہیں کی۔
ثانیہ کو پہلے سیٹ کے بعد میڈیکل ٹائم آؤٹ لینا پڑا، دوسرے سیٹ کے پہلی ہی راؤنڈ میںانکی سروس خراب ہو گئی تھی جس کی وجہ سے وہ مزید نہیں کھیل سکیں۔
