رافیل ندال اس مرتبہ آسٹریلین اوپن میں پریکٹس اور فٹنس کے بغیر اترے تھے لیکن ان کا سفر آخری آٹھ تک پہنچ چکا ہے۔
ریکارڈ 21 ویں گرینڈ سلیم خطاب کی تلاش میں دوسری سیڈ یافتی رافیل ندال نے اٹلی کے فابیو فاگینی کو دو گھنٹے 16 منٹ تک چلنے والے مقابلے میں 6-3، 6-4، 6-2 سے شکست دے کر کوارٹر فائنل میں جگہ بنالی۔ ان کا یہ 43 واں گرینڈ سلیم کوارٹر فائنل ہے۔
آخری بار سنہ 2009 میں میلبورن میں ٹائٹل جیتنے والے رافیل ندال کا کوارٹر فائنل میں پانچویں سیڈ یونان کے اسٹیفانوس سِتسِپاس سے مقابلہ ہوگا جنہیں نویں سیڈ اٹلی کی ماٹیو بیرے ٹنی کے میچ چھوڑنے سے آخری آٹھ میں داخلہ مل گیا۔
اس کے علاوہ خواتین میں ٹاپ سیڈ ایشلے بارٹی نے امریکہ کی شبلی راجرس کو ایک گھنٹہ 11 منٹ میں 6-3 اور 6-4 سے شکست دی۔ بارٹی کا مقابلہ سیمی فائنل میں جگہ بنانے کے لیے چیک جمہوریہ کی کیرولینا میچوفا سے مقابلہ ہوگا۔
