نئی دہلی: کشتی فیڈریشن کے صدر اور بی جے پی رکن پارلیمنٹ برج بھوشن شرن سنگھ کے خلاف دہلی کے جنتر منتر پر پہلوانوں کا احتجاج منگل کو 10ویں روز بھی جاری رہا۔ پہلوانوں کو مختلف سیاسی جماعتوں کے رہنماؤں کی مسلسل حمایت مل رہی ہے۔ 10ویں دن کسان لیڈر راکیش ٹکیت پہلوانوں کی حمایت میں جنتر منتر پہنچے۔ دوسری طرف کانگریس کے ادت راج نے بھی جنتر منتر پہنچ کر پہلوانوں سے ملاقات کی۔ اس موقع پر پہلوانوں نے پریس کانفرنس کی۔ اس دوران ونیش پھوگٹ نے کہا کہ برج بھوشن کے خلاف سنہ 2012 اور 2014 میں بھی جنسی ہراسانی کی شکایت کی گئی تھی، لیکن کوئی کارروائی نہیں کی گئی۔ اس کے ساتھ ہی پولیس نے مقدمہ درج کرنے کے بعد بھی متاثرین کے بیانات قلمبند نہیں کیے۔ اگر برج بھوشن مناسب تحقیقات چاہتے ہیں تو انہیں خود کو گرفتار کرانا چاہیے۔
بجرنگ پونیا نے برج بھوشن پر سنگین الزامات عائد کرتے ہوئے کہا کہ وہ اپنی مرضی چلارہے ہیں، لیکن ہمیں عدالت پر پورا بھروسہ ہے۔ عدالت کی وجہ سے ایف آئی آر درج ہوئی اور پولیس نے مقدمہ بھی درج کر لیا ہے۔ اس کے باوجود برج بھوشن شرن سنگھ کے خلاف کوئی کارروائی نہیں ہو رہی ہے اور نہ ہی انہیں ابھی تک گرفتار کیا گیا۔ پونیا نے کہا کہ یہ کہنا کہ ہم فیڈریشن کے خلاف گئے، ایسا کچھ نہیں ہے۔ وہ بار بار اپنے بیانات بدل رہا ہیں۔ یہ بات فیڈریشن کے خلاف نہیں، یہ بات احتجاج جنسی ہراسانی کے خلاف ہے۔ تاہم اب روزمرہ پہلوانوں کو نئی سیاسی جماعتوں کی حمایت بھی مل رہی ہے۔ ساتھ ہی اس معاملے پر بی جے پی کی طرف سے بھی یہی کہا جا رہا ہے کہ اب اس معاملے پر اپوزیشن پوری طرح سے جمع ہو رہی ہے اور اس لڑائی کو پہلوان بنام مودی بنانے کی کوشش کی جا رہی ہے۔
مزید پڑھیں:
