نئی دہلی: فٹزجیرالڈ نے کہاکہ ہم وزیر اعظم نریندر مودی کے شکر گزار ہیں کہ انہوں نے پیرا اسپورٹس موومنٹ میں دیویانگ کی اصطلاح کو متعارف کراتے ہوئے ہندوستان میں معذور افراد کے بارے میں سوچ میں ایک مثالی تبدیلی لائی ہے۔ یہ ایسی بصیرت والی قیادت ہے جو آج عالمی پیرا اولمپک تحریک میں ہندوستان کو ایک ابھرتی ہوئی طاقت بنا رہی ہے۔
انہوں نے صحیح سمت میں ایک قدم کے طور پر آنے والے پہلے ریڈیئنٹ ڈیفرنٹلی ایبلڈ اسپورٹس ایوارڈز 2022-23 کی تعریف کی۔ فٹزجیرالڈ نے ایوارڈز کے لیے لائیو آن لائن ووٹنگ کے عمل کا بھی اعلان کیا، جو ملک میں خاص طور پر معذور ایتھلیٹس کے لیے پہلا ہے۔ اس موقع پر ریڈیئنٹ ڈیفرنٹلی ایبلڈ اسپورٹس ایوارڈز کے نائب صدر اور سینئر اسپورٹس ایڈوائزر روپندر سنگھ، ریڈیئنٹ ڈیفرنٹلی ایبلڈ اسپورٹس ایوارڈز کی صدر رادھیکا کھیترپال بھی موجود تھیں۔
فٹزجیرالڈ نے کہا کہ ریڈیئنٹ ڈیفرنٹلی ایبلڈ سپورٹس ایوارڈز جیسے اقدامات معذور کھلاڑیوں کی حوصلہ افزائی کی جانب ایک اہم قدم ہیں۔ یہ پہچان ہمیشہ کھلاڑیوں کو مزید حاصل کرنے کے لیے ضروری محرک فراہم کرتی ہے۔ اس سے گیم میں نئے ٹیلنٹ بھی آتے ہیں۔ مجھے یقین ہے کہ ریڈیئنٹ ایوارڈز بھی اس مقصد کو حاصل کریں گے۔
دی ریڈیئنٹ ڈیفرنٹلی ایبلڈ اسپورٹس ایوارڈز کی تقریب 22-23 دسمبر کو دہلی میں منعقد ہوگی۔ اس ایونٹ میں 20 نیشنل پیرا اولمپک فیڈریشنز کے ساتھ ملک کے تقریباً 110 معروف معذور ایتھلیٹس شرکت کریں گے۔ پہلے دن اسپورٹس کانفرنس ہو گی جبکہ دوسرے دن ایوارڈز کی تقریب ہو گی۔ 18 ایوارڈ کیٹیگریز کے لیے کل ملاکر 250 نامزدگیاں موصول ہوئیں۔ جس میں کھلاڑیوں کے لیے 12 ایوارڈز اور اسپورٹ اسٹاف کے لیے چھ ایوارڈز شامل ہیں۔
یہ بھی پڑھیں:ارجن ایوارڈ کے لیے محمد شامی کے نام کی سفارش
مشیروں کے ایک نامور پینل میں ہاکی لیجنڈ اجیت پال سنگھ، ہندوستان کے سابق بین الاقوامی ہاکی کھلاڑی اشوک دھیان چند، ڈاکٹر ویس پیس، سابق ٹریک اینڈ فیلڈ اسٹار اشونی ناچپا، ہندوستان کے سابق ٹینس کھلاڑی روہت راجپال اور کھیل صحافی وجے لوک پلی شامل ہیں۔ جو انعام یافتہ کھلاڑیوں اور ملازمین کا انتخاب کرے گا۔ روپندر سنگھ نے اپنے بیان میں کہا ’’ان ایوارڈز کے انعقاد کے پیچھے ایک عاجزانہ کوشش رہی ہے۔ ہمیں فخر ہے کہ آخر کار سب کچھ ایک ساتھ ہورہا ہے۔ ہمارے معذور چیمپئن اپنی غیر معمولی کوششوں سے، خاص طور پر کھیلوں کے میدان میں، پوری دنیا میں ہندوستان کا پروفائل بلند کر رہے ہیں۔ یہ ہماری عاجزانہ کوشش ہے کہ ہم انہیں پہچانیں اور انہیں بتائیں کہ وہ ہمارے لیے کتنا معنی رکھتے ہیں۔‘‘
یو این آئی
