بھارت کے 17 سالہ نوجوان ایتھلیٹ امت کھتری نے نیروبی میں کھیلی جارہی ہے انڈر 20 چیمپئن شپ میں 10 ہزار میٹر (10کلومیٹر) ریس واک میں چاندی کا تمغہ جیت کر تاریخ رقم کردی ہے۔ بھارت نے پہلی بار اس چیمپئن شپ کے 1 ایڈیشن میں دو تمغے جیتے ہیں۔
کینیا کی راجدھانی نیروبی میں کھیلی جارہی انڈر 20 ورلڈ ایتھلیٹکس چیمپئن شپ میں امت کھتری نے بھارت کو چاندی کا تمغہ دلایا۔ یہ بھارت کا دوسرا تمغہ ہے اس سے قبل بھارت نے 4X400 میٹر ریس میں کانسہ کا تمغہ جیتا تھا۔
امت کھتری نے یہ فاصلہ 42 منٹ اور 17.49 سیکنڈ میں پوری کی جبکہ اس مقابلے کا طلائی تمغہ کینیا کے ہیرسٹون وانیونی نے اپنے نام کیا۔ وانیونی نے 42.10.84 وقت میں یہ ریس جیتی۔
وہیں اسپین کے پال میکگرا نے 42.26.11 وقت میں دوری طے کرکے کانسہ کا تمغہ جیتا۔ یہ پہلی مرتبہ ہوا ہے کہ جب بھارت نے واکنگ مقابلے میں دو تمغے جیتے ہیں۔امت نے شروعات سے سبقت بنائی رکھی لیکن آخر کے دو راونڈ میں کینیا کے ایتھلیٹ نے انہیں پیچھے کردیا۔
یہ بھی پڑھیں: ییرس اولمپکس تین سال کے سائیکل کی وجہ سے مشکل ہوگا: ابھینو بندرا
بھارت کی ٹیم میں بھرت ایس، پریا موہن، سمی اور کپل شامل تھے۔ ہندوستانی ٹیم چیمپئن شپ کے فائنل میں 3.23.60 سیکنڈ کے ساتھ تیسرے نمبر پر رہی۔ اس سے پہلے 2018 میں ہیما داس نے 400 میٹر ریس میں طلائی تمغہ جیتا تھا۔
(یو این آئی)
