کراچی: نیوزی لینڈ نے کین ولیمسن اور ٹام لیتھام کی سنچریوں کی مدد سے پاکستان کے خلاف پہلے ٹیسٹ میچ کی پہلی اننگز میں 6 وکٹوں پر 440 رنز بنا کر 2 رنز کی برتری حاصل کرلی۔Pakistan vs New Zealand Test
کراچی میں کھیلے جارہے سیریز کے دوسرے ٹیسٹ میچ کے تیسرے دن نیوزی لینڈ نے 165 رنز بغیر کسی نقصان سے اننگز دوبارہ شروع کی تو دونوں اوپنرز وکٹ پر موجود تھے۔دونوں کھلاڑیوں نے ایک مرتبہ پھر عمدہ بیٹنگ کا سلسلہ وہیں سے جوڑا اور اپنی اس شراکت کو 183 تک پہنچا دیا۔ اس مرحلے پر ڈیون کونوے نروس نائنٹیز کا شکار ہوئے اور 92 رنز بنانے کے بعد پویلین لوٹ گئے۔ ٹام لیتھم نے دوسرے اینڈ سے بہترین کھیل جاری رکھا اور ٹیسٹ کرکٹ میں 13ویں سنچری مکمل کی، تاہم 113 کے انفرادی اسکور پر وہ ابرار کی میچ میں پہلی وکٹ بن گئے۔Pakistan vs New Zealand Test
ہنری نکولس اور کین ولیمسن نے مل کر اسکور کو 272 تک پہنچایا لیکن اس موقع پر ہنری نے نعمان کی گیند پر کھیلنے کی کوشش کی لیکن گیند بلے کا باہری کنارہ لینے کے بعد وکٹوں کی جانب واپس آنے پر آؤٹ ہوگئے۔ اس مرحلے پر ولیمسن کا ساتھ دینے ڈیرل مچل آئے اور دونوں نے چوتھی وکٹ کے لیے 65 رنز جوڑے، ڈیرل مچل نے جارحانہ انداز اپنایا جبکہ اس دوران کین ولیمسن نے اپنی سنچری بھی مکمل کرلی۔337 کے مجموعے پر ڈیرل مچل 42 رنز بنانے کے بعد پویلین لوٹ گئے۔Pakistan vs New Zealand Test
اسپنر ابرار احمد نے نئے آنے والے بلے باز برسیویل کی وکٹ حاصل کی، جنہوں نے 5 رنز کا اضافہ کیا اور یہ 436 رنز پر نیوزی لینڈ کی چھٹی وکٹ تھی۔
تیسرے روز کھیل کے اختتام پر نیوزی لینڈ نے 6 وکٹوں پر 440 رنز بنا کر پاکستان پر 2 رنز کی برتری حاصل کرلی۔
اس سے قبل پاکستان نے پہلی اننگز میں 438 رنز بنائے تھے، کپتان بابراعظم نے 161، سلمان آغا نے 103 اور سرفراز احمد نے 86 رنز کی اننگز کھیلی تھی۔ یو این آئی۔
