پانچ بار سابق عالمی چمپئن آنند نےدی فنش لائن کے دوسرے ایپی سوڈ میں ولادیمیر کے ساتھ اپنے مقابلے کے بارے میں کہا کہ وہ اور ولادیمیر 150 بازیوں کے بعد بھی یکساں اسکور پر تھے۔
آنند نے کہا کہ ہم ایک وقت ہی ورلڈ شطرنج میں آئے تھے۔ میں ان سے دو سال پہلے آیا تھا۔ مجھے اس وقت کے بارے میں زیادہ یاد نہیں لیکن ولادیمیر نے مجھے بعد میں بتایا کہ ہم تین سال پہلے ملے تھے۔ میں نے 1989 میں ایک بار ان سے ایک مقابلہ کھیلا تھا جو میرے ذہن سے نکل گیا تھا۔ لیکن میں ان سے 1992 میں دوبارہ ملا اور وہ سال ان کے لئے ایک اہم سال تھا۔ تقریبا 20 سالوں میں ہمارے درمیان دوسرا تیسرا مقام بدلتا رہا تھا۔ ہم تعداد کے لحاظ سے ایک دوسرے کے قریب تھے ، اتنے قریب کہ ڈیڑھ سو سے زیادہ بازی کے بعد بھی ہم پوائنٹ میں تقریبا برابر تھے۔
