خاتون پہلوان ونیش فوگاٹ نے کہا کہ کورونا وائرس کے بڑھتے معاملات کے پیش نظر میں کئی بھی خطرہ نہیں مول لینا چاہتی اس لیے میں نے اس وقت کیمپ سے ہٹنے کا فیصلہ کیا ہے۔
ٹوکیو اولمپک میں کا ٹکٹ حاصل کر چکی ملک کی خاتون پہلوان ونیش فوگاٹ ہریانہ کے بھوانی میں واقع اپنے گھر پر ہی ٹریننگ جاری رکھیں گی۔
ریسلنگ فیڈریشن آف انڈیا(ڈبلیو ایف آئی) نے اسپورٹس اتھارٹی آف انڈیا(سائی) کو اگلے ماہ ماہ قومی کشتی کیمپ منعقد کرنے کو ہری جھنڈی دکھا دی ہے جبکہ کئی پہلوان اس فیصلے کے خلاف ہیں۔
ایشائی کھیلوں میں طلائی تمغہ فاتح ونیش فوگاٹ نے میڈیا کو بتایا کہ انہوں نے فیڈریشن سے گزارش کی ہے کہ وہ انہیں اکیلے ہی ٹریننگ کرنے کی اجازت دے۔
ونیش فوگاٹ نے کہا کہ 'میں قومی کیمپ میں شرکت نہیں کروں گی اور میں نے اپنے اس فیصلے سے فیڈریشن کا آگاہ کر دیا ہے۔
انہوں نے کہا کہ 'کورونا وائرس کے بڑھتے معاملات کے پیش نظر میں نے قومی کیمپ میں حصہ لینے سے انکار کیا ہے اور میں گھر پر ہی ٹریننگ کروں گی۔
حالانکہ اس دوران ٹوکیو اولمپک کا کوٹا حاصل کر چکے بجرنگ پونیا اور خاتون پہلوان پوجا دھانڈا نے اس کیمپ میں حصہ لینے کی تصدیق کر دی ہے۔
