اولمپک مشعل گزشتہ ہفتے یونان سے جاپان پہنچی تھی اور اس جاپان ریلے کا آغاز فوکوشیما شہر سے جمعرات کو ہونا ہے۔ ایک مقامی اہلکار نے بتایا کہ مشعل کو لے کر رنر نہیں دوڑیں گے بلکہ اسے ایک لالٹین میں لے جایا جائے گا۔
ٹوکیو آرگنائزنگ کمیٹی کی منصوبہ بندی ہے کہ مشعل کو ایتھلیٹ کے ہاتھوں سے گزارنے کے بجائے گاڑی میں ایک لالٹین میں لے جایا جائے اور روزانہ اپنی منزل مقصود پر پہنچنے کے بعد اسے نمائش کے لئے رکھا جائے گا۔
فوکوشیما میں لوگوں نے کورونا کے خطرے کو لے کر حکومت کے انتباہ کو نظر انداز کیا اور ایک ہزار سے زیادہ لوگ مشعل کو دیکھنے کے لئے جمع ہو گئے۔
اگرچہ لوگوں نے اپنے چہروں پر ماسک لگا رکھے تھے۔
حکومت نے لوگوں سے اپیل کی تھی کہ مشعل کو دیکھنے کے لئے جمع نہ ہوں لیکن لوگوں پر اس کا کوئی اثر نہیں پڑا ہے۔ جاپان میں 1852 لوگ کورونا سے متاثر ہیں اور اس وائرس سے 52 اموات ہو چکی ہیں۔
جاپان حکومت ملک میں ٹارچ ریلے سے لوگوں کو دور رکھنا چاہتی ہے اور مشعل جن سڑکوں سے گزرے گی وہاں سے ناظرین کو دور رکھا جائے گا لیکن فوکوشیما کے پروگرام سے اتنا طے ہے کہ حکومت کو مشعل روٹ سے لوگوں کو دور رکھنے کے لئے سختی کرنی پڑے گی۔
عام طور پر معمول کے وقت میں مشعل کو لے کر رنر مختلف سڑکوں سے گزرتے ہیں اور مشعل کا استقبال کرنے کے لئے بھاری تعداد میں لوگ سڑکوں کے دونوں کناروں پر جمع رہتے ہیں۔
