بھارت کے ٹاپ سیڈ کھلاڑی اچنت شرت کمل نے شاندار کارکردگی کا مظاہرہ کرتے ہوئے آئی ٹی ٹی ایف چیلنجر پلس عمان اوپن ٹیبل ٹینس ٹورنامنٹ کے مردوں کے سنگلز زمرے کے فائنل میں ٹاپ سیڈ پرتگال کے مارکوس فریٹس کو شکست دے کر خطاب جیت لیا ہے اور یہ ان کا 10 سال کے طویل وقفے کے بعد پہلا آئی ٹی ٹی ایف خطاب ہے۔
شرت نے پہلا گیم ہارنے کے بعد بہترین واپسی کی اور فریٹس کو 6-11، 11-8، 12-10، 11-9، 3-11، 17-15 سے شکست دے کر ٹائٹل جیت لیا۔
اس جیت کے ساتھ ہی انہوں نے ایک دہائی سے آئی ٹی ٹی ایف میں اپنا خطاب جیتنے کی خشک سالی کا خاتمہ کر دیا۔ شرت نے 2010 میں مصر اوپن کا خطاب جیتنے کے بعد کوئی آئی ٹی ٹی ایف خطاب نہیں جیتا تھا۔
وہ 2011 میں ہوئے مراکش اوپن اور 2017 میں ہوئے انڈیا اوپن کے سیمی فائنل میں پہنچے تھے لیکن خطاب جیتنے سے چوک گئے تھے۔
شرت نے ٹائٹل جیتنے کے خوشی کا اظہار کرتے ہوئے کہاکہ ہفتے کا اس سے بہتر اختتام نہیں ہو سکتا تھا۔ میں نے 10 سال کے طویل انتظار کو آخر عمان اوپن میں ختم کر دیا۔
میرے لئے یہ بہت خوشی اور فخر کا لمحہ ہے۔مرکزی وزیر کھیل كرن ریجیجو نے شرت کو اس کامیابی کے لئے مبارک باد دیتے ہوئے کہاکہ آئی ٹی ٹی ایف خطاب جیتنے پر آپ کو مبارکباد۔ آپ جیسے کھلاڑیوں کی صلاحیت اور محنت کے دم پر ہندستانی ٹیبل ٹینس عالمی سطح پر آ گئی ہے۔
