رجیجو نے یہ بات تمام ریاستوں اور مرکزی علاقوں کے نوجوانوں کے امور اور کھیلوں کے محکموں کے انچارج وزراء اور عہدیداروں کے ساتھ دو روزہ ویڈیو کانفرنس میں کہی۔
کانفرنس بدھ کو اختتام پزیر ہوئی، جس میں 18 ریاستوں اور مرکزی علاقوں کے کھیل اور امور نوجوانان کے وزراء کے ساتھ ساتھ سینئر عہدیداروں کے ساتھ رججیجو نے تبادلہ خیال کیا۔ کووڈ۔ 19 کے بعد کھیلوں کے دوبارہ شروع ہونے پر اجلاس میں تبادلہ خیال کیا گیا۔
وزیر کھیل نے ریاستوں میں کھیلوں کی سرگرمیاں دوبارہ شروع کرنے کے امکان پر کہا کہ ریاستوں کو آزادانہ طور پر فیصلہ کرنا ہوگا کہ وہ کھیلوں کی سرگرمیوں اور تربیت کا آغاز کب کرسکتی ہیں۔
تاہم میں تمام ریاستوں سے درخواست کروں گا کہ صورتحال کے پیش نظر 2-3 ماہ کے بعد کھیلوں کی کچھ سرگرمیاں شروع کی جائیں ۔
انہوں نے کہا کہ ہم محدود اور غیر معاہدہ کھیلوں کے پروگرام شروع کرسکتے ہیں۔ کچھ ریاستیں ایسی ہیں جنہوں نے اپنے کھیلوں کے مراکز کھول دئے ہیں اور کچھ کھیلوں کی تربیت کا آغاز کیا ہے۔ صورتحال بہتر ہونے کے ساتھ ہمیں کھیل کے میدانوں کو دوبارہ شروع کرنے کی کوشش کرنی چاہئے۔
دو روزہ کانفرنس میں شرکت کرنے والی متعدد ریاستوں / مرکز کے زیر انتظام علاقوں میں سے کئی نے کھیلوں کی سرگرمیاں شروع کردی ہیں جبکہ دیگر اس کی منصوبہ بندی کررہے ہیں۔
دہلی، سکم، لکش دیپ، چنڈی گڑھ، گوا نے مخصوص کھیلوں سے متعلق سرگرمیاں شروع کردی ہیں، جیسے ٹیبل ٹینس، بیڈ منٹن، تیر اندازی، شاٹ پٹ، جیولن تھرو۔ ناگالینڈ فٹ بال اور دیسی کھیلوں میں ضلعی سطح کے مقابلوں کو شروع کرنے کا منصوبہ بنا رہا ہے۔
جہاں جھارکھنڈ کا کھیل ستمبر سے شروع کرنے کا منصوبہ ہے وہیں اروناچل پردیش، بہار اور میزورم کھیل شروع کرنے کے لئے ایس او پیز تیار کررہے ہیں۔
