اس کُشتی چیمپئن شپ میں دو دنوں تک ریاست اتر پردیش کے مختلف اضلاع سے آئی ہوئی لڑکیوں نے بہترین کارکردگی کا مظاہرہ کیا اور مختلف زمروں میں فاتح بننے کا اعزاز حاصل کیا۔
اس چمپئن شپ کے مہمان خصوصی انڈین کشتی فیڈریشن کے صدر اور قیصر گنج اتر پردیش کے رکن پارلیمنٹ برج بھوشن شرن سنگھ تھے۔ انہوں نے ٹیم اور کھلاڑیوں کو ٹرافی اور انعامات دیے۔
علاوہ ازیں علاقائی رکن اسمبلی تیج پال ناگر اور ایشیائی کھیلوں کی میڈلسٹ الکا تومر بھی موجود تھیں۔
سینیئر زمرے میں میرٹھ نے پہلی پوزیشن حاصل کی جبکہ گونڈا دوسری اور اعظم گڑھ تیسری پوزیشن پر رہے۔ جونئیر زمرے میں باغپت پہلی، غازی آباد دوسری اور متھرا کی ٹیم تیسری پوزیشن پر رہی۔
اس موقع پر نوئیڈا کالج آف فیزیکل ایجوکیشن کے چیئرمین سُشیل کمار راجپوت نے بتایا کہ عنقریب نوئیڈا کالج آف فزیکل ایجوکیشن سینیئر کُشتی چیمپئن شپ کی میزبانی کرے گا جس کی تیاریاں زور و شور سے جاری ہیں۔
انہوں نے کہا کے جونیئر زمرے میں کشتی کے شاندار چیمپئن شپ کا انعقاد کر کے ایک راہ ہموار کی ہے اب آنے والے دنوں میں مزید چیمپین شپ کی میزبانی نوئیڈا کالج کرے گا۔
