مرکزی وزارت کھیل نے ای میل کے ذریعے اس سال کے قومی کھیل ایوارڈ کے لئے نامزدگیوں کو مدعو کیا۔ قومی کھیل ایوارڈ نامزدگی اپریل میں شروع ہونا تھی لیکن کورونا وائرس کے خطرہ کی وجہ سے مئی تک بڑھا دیا گیا تھا۔ نامزدگی بھیجنے کی آخری تاریخ 3 جون تھی۔ اس سال جنوری 2016 سے دسمبر 2019 تک کھیل رتن کی کارکردگی کو مدنظر رکھا جائے گا۔
رواں سال کے کھیل رتن کے دعویداروں میں تجربہ کار شوٹر انجم مدگل ، اسٹار ایتھلیٹ نیرج چوپڑا ، ہندستان کی خاتون ہاکی ٹیم کی کپتان رانی رامپال ، اسٹار باکسر امیت پنگھل اور وکاس کرشنن ، ہندوستانی کرکٹ ٹیم کے محدود اوورز کے نائب کپتان ، اور بیٹسمین روہت شرما اور اسٹار خاتون پہلوان ونیش پھوگاٹ بھی شامل ہیں ۔
پچھلے چار سالوں میں ایک سے زیادہ کھلاڑیوں کو کھیل رتن سے نوازا گیا ہے ، جبکہ اس ایوارڈ کے قواعد میں کہا گیا ہے کہ اولمپک سال کے علاوہ دوسرے سالوں میں بھی ایک ہی کھلاڑی کا انتخاب کھیل رتن کے لئے کیا جائے گا۔
سال 2016 میں ریو اولمپک میڈلسٹ پی وی سندھو اور ساکشی ملک کے علاوہ 2017 میں جیتو رائے اور دیپا کرماکر ، سردار سنگھ اور دیویندر جھاڑیا ، 2018 میں میرابائی چانو اور وراٹ کوہلی اور 2019 میں دیپا ملک اور بجرنگ پنیا کو کھیل رتن سے نوازا گیا تھا۔ . اس بار کسی بھی مد مقابل دعویدار کا دعوی کمزور نہیں ہے اور سلیکشن پینل کو کھیل رتن کے انتخاب کے لئے بہت زیادہ کوشش کرنا پڑے گی۔
دعویداروں میں ، اسٹار نیزہ پھینکنے والے ایتھلیٹ نیرج چوپڑا کا نام مسلسل تیسرے سال کھیل رتن بھجوایا گیا ہے۔ نیرج سن 2016 میں ورلڈ جونیئر ٹائٹل جیتنے کے بعد جیولن تھرو میں ملک کے ٹاپ ایتھلیٹ رہے ہیں اور انہوں نے بین الاقوامی سطح پر بھی اپنی جگہ بنالی ہے۔ نیرج 2018 دولت مشترکہ اور ایشین گیمز میں طلائی تمغہ جیتنے والے ایتھلیٹ ہیں اور ملک کی اولمپک تمغہ امید میں شامل ہیں۔
ایتھلیٹکس فیڈریشن آف انڈیا (اے ایف آئی) کے صدر عادل سمیروالا نے کہا کہ ہمیں یقین ہے کہ نیرج کو اس بار یقینی طور پر کھیل رتن ملے گا۔ 2018 میں ویٹ لفٹرز میرابائی چانو اور وراٹ کوہلی کو کھیل رتن دیا گیا تھا جبکہ 2019 میں پہلوان بجرنگ اور دیپا ملک کو منتخب کیا گیا تھا۔ اگلے سال ٹوکیو اولمپکس کو دیکھتے ہوئے ہمیں امید ہے کہ اسے یہ اعزاز حاصل ہوگا جو اولمپکس میں ملک کے لئے تمغہ جیتنے کی ترغیب دے گا۔
نیشنل رائفل ایسوسی ایشن آف انڈیا (این آر اے آئی) نے تجربہ کار شوٹر انجم مدگل کا نام بھیجا ہے۔ کھیل رتن کے لئے نامزد ، چنڈی گڑھ کی انجم نے 2018 ورلڈ چمپیئن شپ میں دو چاندی کے تمغے اور 2018 گولڈ کوسٹ دولت مشترکہ کھیلوں میں چاندی کا تمغہ جیتا ہے۔ وہ 10 میٹر ایئر رائفل میں عالمی درجہ بندی میں دوسری پوزیشن پر پہنچی ہیں۔ 26 سالہ انجم کو گذشتہ سال ارجن ایوارڈ سے نوازا گیا تھا۔ سن 2008 میں شوٹنگ شروع کرنے والی انجم نے ٹوکیو اولمپکس کیلئے کوالیفائی کرلیا ہے۔
ہاکی انڈیا نے ہندوستانی خاتون ٹیم کی کپتان رانی کا نام بھیجا ہے۔ رانی نے اپنی قیادت میں ہندوستانی خاتون ٹیم میں نمایاں کامیابی حاصل کی ہے جس میں 2017 ویمن ایشیاء کپ کا ٹائٹل جیتنا ، 2018 ایشین گیمز میں چاندی کا تمغہ اور 2019 میں ٹوکیو اولمپکس کے لئے کوالیفائی کرنا شامل ہیں۔
ہندوستان نے اڑیسہ کے بھوبنیشور میں امریکہ کو شکست دے کر ٹوکیو اولمپکس کیلئے کوالیفائی کیا۔ ہندوستان کی فتح میں فیصلہ کن گول کپتان رانی نے کیا۔ رانی کو سال 2019 کے لئے ورلڈ گیمز کا ایتھلیٹ آف دی ایئر نامزد کیا گیا تھا اور یہ کارنامہ سر انجام دینے والی پہلی ہندوستانی ہیں۔ رانی کو 2016 میں ارجن ایوارڈ اور 2020 میں پدم شری ملا ہے۔
انڈین باکسنگ فیڈریشن (بی ایف آئی) اپنے اسٹار باکسر امیت پنگھل اور وکاس کرشنن کا نام بھیجاہے ۔ پنگھل اور کرشنن نے پچھلے چار سالوں میں مسلسل بین الاقوامی سطح پر بہترین کارکردگی کا مظاہرہ کیا ہے ۔ پنگھل نے ایشین گیمز میں طلائی ، ایشین چمپئن شپ میں سونے ، دولت مشترکہ کھیلوں میں چاندی اور عالمی چمپئن شپ میں تاریخی چاندی کا تمغہ جیتا۔ وکاس سابقہ عالمی چمپئن شپ کانسی کا تمغہ جیتنے والے باکسر ہیں اور گذشتہ دولت مشترکہ کھیلوں میں سونے کا تمغہ جیت چکے ہیں۔ وکاس ایشین گیمز اور ایشین چمپئن شپ میں کانسی کے تمغے بھی جیت چکے ہیں۔
بورڈ آف کنٹرول فار کرکٹ ان انڈیا (بی سی سی آئی) نے محدود اوورز کے نائب کپتان اور سلامی بلے باز روہت شرما کو نامزد کیا ہے۔ بی سی سی آئی کے صدر سورو گنگولی نے امید ظاہر کی ہے کہ روہت کھیل رتن بنیں گے۔ روہت مختصر فارمیٹ میں ہندوستانی ٹیم کے نائب کپتان ہیں اور فی الحال انہیں دنیا کے بہترین بلے بازوں میں شمار کیا جاتا ہے۔ وہ 2019 میں آئی سی سی کے ون ڈے کرکٹر آف دی ایئر تھے۔ انہوں نے گذشتہ سال ون ڈے ورلڈ کپ میں پانچ سنچریاں بنانے کا عالمی ریکارڈ قائم کیا تھا۔ وہ ٹی ٹوئنٹی کرکٹ میں چار سنچریاں بنانے والے پہلے بیٹسمین ہیں۔ پہلی بار ٹیسٹ اوپنر کے طور پر آتے ہی انہوں نے دونوں اننگز میں سنچریوں کا عالمی ریکارڈ قائم کیا۔
ریسلنگ فیڈریشن آف انڈیا کی جانب سے خاتون پہلوان ونیش پھوگاٹ کا نام لیا گیا ہے۔ ونیش نے 2018 میں دولت مشترکہ اور ایشین گیمز میں طلائی تمغہ اور گذشتہ سال ورلڈ چمپئن شپ میں کانسی کا تمغہ جیتا تھا۔ وینش واحد ہندوستانی خاتون پہلوان ہیں جنہوں نے ابھی تک ٹوکیو اولمپکس کے لئے کوالیفائی کیا ہے۔
