ایتھلیٹکس فیڈریشن کے اعلی حکام کی جمعرات کو یہاں صدر عادل سماروالا کے صدارت میں میٹنگ ہوئی جس میں فیڈریشن کی منصوبہ بندی کمیٹی کے چیئرمین للت بھنوٹ، خزانچی پردیپ شریواستو اور دہلی ایتھلیٹکس یونین کے سیکرٹری سندیپ مہتا شامل ہوئے۔
فیڈریشن نے چیف کوچ، ڈپٹی چیف کوچ، قومی کیمپ میں حصہ لینے والی کھلاڑیوں اور اسپورٹ اسٹاف کے لئے ہدایات جاری کی ہیں۔
ان ہدایات کے بعد کھلاڑیوں کو کیمپ سے باہر جانے کی اجازت نہیں ہو گی، وہ کسی ذاتی یا عوامی تقریب میں حصہ نہیں لے سکیں گے، انہیں کیمپ سے باہر ٹریننگ کرنے کی اجازت نہیں ہو گی، یہ بھی یقینی بنانا ہوگا کہ جو کھلاڑی کیمپ حصہ نہیں لے رہا ہے وہ کیمپ میں شامل کھلاڑیوں کے ساتھ ٹریننگ نہیں کریں اور انہیں الگ وقت دیا جائے۔ساتھ ہی کھلاڑیوں کو یہ مشورہ دیا گیا ہے کہ اگر انہیں فلو یا کسی بیماری کی علامات ظاہر ہوتو وہ فوری طور پر میڈیکل سینٹر کو مطلع کریں۔
کھلاڑیوں کو اس کے علاوہ ڈبلیو ایچ او کی طبی مشاورت پر عمل کرنے کے لئے بھی کہا گیا ہے۔ فیڈریشن نے یہ بھی فیصلہ کیا ہے کہ اگر کوئی کھلاڑی، کوچ یا دیگرا سپورٹ اسٹاف کیمپ چھوڑنے کے بعد پھر واپس کیمپ سے جڑتا ہے تو اس کی میڈیکل جانچ کے بعد ہی اسے کیمپ میں شامل ہونے کی اجازت دی جائے گی۔
