ممبئی: پرو کبڈی لیگ کے منتظمین نے جمعہ کو اعلان کیا کہ لیگ کا نواں ایڈیشن 7 اکتوبر سے شروع ہوگا اور دسمبر کے وسط تک جاری رہے گا۔ اس لیگ کے مختلف مراحل بنگلورو، پونے اور حیدرآباد میں منعقد کیے جائیں گے۔ پی کے ایل سیزن 9 کے اعلان پر بات کرتے ہوئے، اسپورٹس لیگ کے سربراہ انوپم گوسوامی نے کہا، "مشعل اسپورٹس نے کبڈی کے مقامی کھیل کو کھیلوں کے شائقین کی دنیا تک لے جانے کے وژن کے ساتھ ویوو پرو کبڈی لیگ کا آغاز کیا ہے۔ Pro Kabaddi League Season 9
یہ بھی پڑھیں: Pro Kabaddi Final 2022: دبنگ دہلی نے پہلی بار پرو کبڈی لیگ کا خطاب اپنے نام کیا
گوسوامی نے کہا، "ہم اس مقصد کی طرف متاثر کن پیش قدمی جاری رکھے ہوئے ہیں، جیسا کہ اس سال کے شروع میں ویوو پی کے ایل سیزن 8 میں ہوا تھا۔ جس کا انعقاد بڑے پیمانے پر بائیو ببل میں کیا گیا تھا۔ منتظمین نے کہا کہ پی کے ایل -9 کا تفصیلی شیڈول آنے والے ہفتوں میں شیئر کیا جائے گا۔
یو این آئی
