نئی دہلی:چیمپئن شپ 15 سے 26 مارچ تک قومی دارالحکومت کے اندرا گاندھی اسپورٹس کمپلیکس میں منعقد ہوگی۔لولینا کے پاس 75 کلوگرام کے زمرے میں عالمی چیمپئن شپ کے دو کانسی کے تمغے ہیں اور وہ سات دیگر اولمپک تمغہ جیتنے والے باکسروں کے ساتھ آئندہ چیمپئن شپ میں سونے کے تمغے کے لئے میدان میں اتریں گی۔
وہیں نکھت زرین 50 کلوگرام کیٹیگری میں اپنے ٹائٹل کا دفاع کریں گی۔ وہ گزشتہ سال ترکی کے دارالحکومت استنبول میں منعقدہ چیمپئن شپ میں عالمی چیمپئن بنی تھیں۔
برمنگھم 2022 کامن ویلتھ گیمز کی گولڈ میڈلسٹ نیتو گھنگھاس 48 کلوگرام زمرے میں ملک کی نمائندگی کریں گی۔ دو بار کے یوتھ ورلڈ چیمپئن سینئر لیول پر گولڈ کے مضبوط دعویدار ہوں گی۔
بی ایف آئی کے صدر اجے سنگھ نے کہاکہ بھارت گزشتہ برسوں میں باکسنگ کی سپر پاور بن گیا ہے ۔ہم آئی بی اے خواتین کی عالمی باکسنگ چیمپئن شپ کے لئے اس باصلاحیت دستے کے ساتھ اپنی پوزیشن کو مزید مضبوط کرنے کا ارادہ رکھتے ہیں۔ یہ چیمپئن کھلاڑیوں کا اسکواڈ ہے اور مجھے یقین ہے کہ وہ دوبارہ ملک کا سر فخر سے بلند کریں گی۔
منیشا ماون، جو دہلی میں 2018 کی عالمی چمپئن شپ میں شاندار کارکردگی کے ساتھ عالمی سطح پر آگئی، انتہائی مسابقتی 57 کلوگرام فیدر ویٹ زمرے میں ملک کی نمائندگی کریں گی۔ منیشا نے 2022 ورلڈ چمپئن شپ میں کانسی کا تمغہ جیتا تھا۔برمنگھم کامن ویلتھ گیمز کی کانسی کا تمغہ جیتنے والی جیسمین لیمبوریا جو 2022 کے ایڈیشن میں کوارٹر فائنلسٹ تھیں، 60 کلوگرام کیٹیگری میں مقابلہ کریں گی۔
نوجوان باکسر پریتی اور سناماچا چانو بالترتیب 54 کلوگرام اور 70 کلوگرام کیٹیگریز میں ہندوستان کی نمائندگی کریں گی۔ پریتی نے 2022 ایشین چیمپئن شپ میں کانسی کا تمغہ جیتا تھا، جبکہ سنمچا 2021 کی یوتھ ورلڈ چیمپئن ہے اور حال ہی میں اپنے زمرے میں قومی چیمپئن بنی ہے۔
موجودہ ایشین اور قومی چیمپئن سویٹی بورا 81 کلوگرام کیٹیگری میں حصہ لیں گی۔ تجربہ کار باکسر، جس نے جنوبی کوریا میں 2014 کی عالمی چیمپئن شپ میں چاندی کا تمغہ جیتا تھا، اپنی شاندار فارم کو جاری رکھنے اور اپنے تمغوں کی تعداد میں ایک اور طلائی تمغہ شامل کرنے کی خواہاں ہوں گی۔
یوتھ ورلڈ چیمپئن ساکشی چودھری (52 کلوگرام) اور ششی چوپڑا (63 کلوگرام) 2019 کے جنوبی ایشیائی کھیلوں کی طلائی تمغہ جیتنے والی منجو بامبوریہ (66 کلوگرام) کے ساتھ عالمی چمپئن شپ میں اپنے اپنے زمروں میں اپنی صلاحیتوں کو ثابت کرنے کے لیے بے تاب ہوں گی۔ ہیوی ویٹ (81کلوگرام+) زمرے میں ہندوستان کی تمغے کی امیدیں دفاعی قومی چمپئن نوپور شیوران پر رہیں گی۔
اس ایونٹ میں انعام کے لیے کل 20 کروڑ روپے رکھے گئے ہیں۔ گولڈ میڈل جیتنے والوں کو 10 کروڑ روپے کا پول دیا جائے گا، جبکہ چاندی اور کانسی کا تمغہ جیتنے والوں کو 5 کروڑ روپے کا پول دیا جائے گا۔
بی ایف آئی تیسری بار خواتین کی چیمپئن شپ کی میزبانی کر رہا ہے اور اب تک 74 ممالک کے 350 سے زیادہ باکسرز اس دو سالہ ایونٹ کے لیے رجسٹر ہو چکے ہیں۔
یہ بھی پڑھیں:Shardul Thakur To Get Married کرکٹر شاردول ٹھاکر آج رشتہ ازدواج سے منسلک ہوجائیں گے
نیتو گھنگھاس (48 کلوگرام)، نکھت زرین (50 کلوگرام)، ساکشی چودھری (52 کلوگرام)، پریتی (54 کلوگرام)، منیشا مون (57 کلوگرام)، جیسمین لمبوریا (60 کلوگرام)، ششی چوپڑا (63 کلوگرام)، منجو بامبوریہ (66 کلوگرام)، صنم چانو 70 کلوگرام، لولینا بورگوہین (75 کلوگرام)، سویٹی بورا (81 کلوگرام) اور نوپور شیوران (81+ کلوگرام) ہیں۔
یواین آئی
