نئی دہلی: ٹوکیو اولمپک چمپئن نیرج چوپڑا اور برمنگھم کامن ویلتھ گیمز کے سلور میڈلسٹ مرلی سری شنکر نے مظاہرین پہلوانوں کو دہلی پولیس کے ذریعہ حراست میں لئے جانے پر مایوسی کا اظہار کیا ہے۔ جیولین تھروور نیرج نے اتوار کو ٹویٹر پر پہلوانوں کو حراست میں لیے جانے کے ایک ویڈیو پر تبصرہ کیا: "مجھے یہ دیکھ کر بہت دکھ ہورہا ہے۔ اس سے نمٹنے کے لیے کوئی بہتر طریقہ ہونا چاہیے۔ ویڈیو میں دیکھا جا سکتا ہے کہ پولیس طاقت کا استعمال کرتے ہوئے پہلوانوں کو حراست میں لے رہی ہے۔ اس دوران لانگ جمپر سری شنکر نے پہلوانوں کے ساتھ دہلی پولیس کے سلوک کو 'وحشیانہ' قرار دیا۔ سری شنکر نے ٹویٹ کیا، "انتہائی وحشیانہ! ہمارے چیمپئن اس کے حقدار نہیں تھے۔ اولمپک میں فتح کا خواب دیکھنے والے ایک ایتھلیٹ کے طورپر، یہ تصیور (میرے ذہن) پر گہرا زخم چھوڑے گی۔"
-
यह देखकर मुझे बहुत दुख हो रहा है | There has to be a better way to deal with this. https://t.co/M2gzso4qjX
— Neeraj Chopra (@Neeraj_chopra1) May 28, 2023 " class="align-text-top noRightClick twitterSection" data="
">यह देखकर मुझे बहुत दुख हो रहा है | There has to be a better way to deal with this. https://t.co/M2gzso4qjX
— Neeraj Chopra (@Neeraj_chopra1) May 28, 2023यह देखकर मुझे बहुत दुख हो रहा है | There has to be a better way to deal with this. https://t.co/M2gzso4qjX
— Neeraj Chopra (@Neeraj_chopra1) May 28, 2023
پہلوانوں نے نئے پارلیمنٹ ہاؤس تک مارچ کرنے اور 'مہیلا مہاپنچایت' منعقد کرنے کا منصوبہ بنایا تھا۔ یہ مہاپنچایت وزیر اعظم نریندر مودی کے ذریعہ عمارت کے افتتاح کے ساتھ منعقد ہونی تھی۔ پہلوانوں کو ابتدائی طور پر جنتر منتر پر احتجاجی مقام سے نکلنے کی اجازت دی گئی لیکن وہ سیکورٹی بیریکیڈس سے آگے نہیں جاسکے۔ پہلوان جنتر منتر روڈ سے آگے نہیں جا سکے اور بجرنگ پونیا، ساکشی ملک اور ونیش پھوگاٹ سمیت دیگر مظاہرین کو حراست میں لے لیا گیا۔ ساکشی کے اکاؤنٹ سے ان کی ٹیم کے ٹویٹ کے مطابق، پولیس نے احتجاجی مقام سے پہلوانوں کے خیموں کو بھی ہٹانا شروع کر دیا تھا۔ قابل ذکر ہے کہ ملک کے کئی معروف پہلوان ریسلنگ فیڈریشن آف انڈیا (ڈبلیو ایف آئی) کے صدر برج بھوشن شرن سنگھ کی گرفتاری کا مطالبہ کر رہے ہیں۔ اتر پردیش میں قیصر گنج لوک سبھا سیٹ سے بھارتیہ جنتا پارٹی کے رکن پارلیمنٹ برج بھوشن پر ایک نابالغ سمیت سات خواتین پہلوانوں کے ساتھ جنسی زیادتی کا الزام ہے۔
یہ بھی پڑھیں: Wrestlers Protest پہلوان ساکشی ملک، ونیش پھوگاٹ اور بجرنگ پونیا کے خلاف ایف آئی آر درج
یو این آئی
