سلیکشن کمیٹی کی پانچ گھنٹے تک ہونے والی میٹنگ کے بعد ایونٹ کے لیے 15 رکنی ٹیم کے علاوہ کووڈ 19 وبا کے پیش نظر 14 ریزرو نشانے بازوں کا بھی اعلان کیا ہے۔
خواتین کے 10 میٹر ایئر رائفل مقابلوں میں ایلاونیل والاریون ٹیم میں منتخب واحد کھلاڑی ہیں جنہوں نے قومی ٹیم کے 15 کوٹہ میں سے ایک بھی کوٹہ حاصل نہیں کیا ہے۔ وہ اس مقابلے میں انجم مدگل کا کوٹہ استعمال کریں گی۔
قومی سلیکشن کمیٹی نے یہ بھی فیصلہ کیا کہ چنکی یادو کے ذریعے خواتین کی 25 میٹر پسٹل میں حاصل کوٹے کو انجم مدگل سے تبدیل کیا جائے تاکہ انجم خواتین کی 50 میٹر رائفل 3 پوزیشن مقابلے میں سابق عالمی چیمپیئن تیجسونی ساونت کے ساتھ بھارت کی دوسری انٹری کے طور پر حصہ لے سکے۔
سلیکشن کمیٹی کا خیال ہے کہ خواتین کے 25 میٹر پسٹل ایونٹ کی نشانے باز منو بھاکر خواتین کی 10 میٹر ایئر پسٹل اور 25 میٹر پسٹل دونوں مقابلوں میں حصہ لیں گی۔
