ہریانہ کے پنچکولہ میں ہونے والے کھیلو انڈیا یوتھ گیمز کے چوتھے ایڈیشن میں پہلی بار 36 ریاستیں اور مرکز کے زیر انتظام علاقے حصہ لے رہے ہیں اور ان کھیلوں میں ہریانہ گزشتہ دو ایڈیشن میں مہاراشٹر کے دبدبے کو چیلنج کرنے اترے گا۔ ہریانہ ان کھیلوں کی میزبانی کر رہا ہے، جس کی وجہ سے وہ تمغوں کے ٹیبل میں سرفہرست مقام حاصل کرنے کا مضبوط دعویدار سمجھا جارہا ہے۔ ہریانہ کے وزیر اعلیٰ منوہر لال نے ریاست کے لیے ٹاپ پوزیشن پر آنے کا ہدف رکھا ہے۔ Khelo India Youth Games
یوتھ گیمز کی افتتاحی تقریب 4 جون کو تاؤ دیوی لال اسپورٹس کمپلیکس میں ہوگی۔ پنچکولہ کے علاوہ امبالا (جمناسٹک، تیراکی)، شاہ آباد (ہاکی)، چنڈی گڑھ (تیر اندازی، فٹ بال) اور نئی دہلی (سائیکلنگ، شوٹنگ) میں بھی کھیلوں کا انعقاد کیا جائے گا۔ کھیلو انڈیا کے اس ایڈیشن میں، ہریانہ سب سے زیادہ 398 ایتھلیٹوں کے دستے کے ساتھ اترے گا۔ دفاعی دو بار کی چیمپئن مہاراشٹرا 357 کھلاڑیوں کے ساتھ دوسرے سب سے بڑے دستے کو میدان میں اتار رہا ہے اور دہلی 339 کھلاڑیوں کے ساتھ تیسرے نمبر پر ہے۔ انڈمان اور نکوبار چھ سائیکل سواروں کا سب سے چھوٹا دستہ بھیج رہا ہے، جب کہ لداخ سات ایتھلیٹس کے ساتھ ایونٹ میں حصہ لے گا۔ Khelo India Youth Games
یہ بھی پڑھیں: 'کھیلو انڈیا کا مقصد وادی کے کھلاڑیوں کو پلیٹ فارم فراہم کرنا ہے'
دہلی میں منعقدہ پہلے کھیلو انڈیا گیمز میں ہریانہ 38 طلائی، 26 چاندی اور 38 کانسے کے تمغوں کے ساتھ پہلے نمبر پر رہا تھا جبکہ مہاراشٹر 36 طلائی تمغوں کے ساتھ دوسرے اور دہلی 25 طلائی تمغوں کے ساتھ دوسرے نمبر پر رہا۔ پونے میں منعقدہ دوسرے کھیلوں میں مہاراشٹرا 85 طلائی تمغوں سمیت کل 228 تمغوں کے ساتھ پہلے، ہریانہ 62 گولڈ کے ساتھ دوسرے اور دہلی 45 طلائی تمغوں کے ساتھ تیسرے نمبر پر رہا تھا۔ Khelo India Youth Games
یو این آئی
