اپنی 97 ویں پول پوزیشن کے ساتھ شروعات کرنے والے مرسڈیز کے ہیملٹن نے ایلگریو انٹرنیشنل سرکٹ میں جلد ہی برتری گنوادی تھی لیکن واپسی کرتے ہوئے انہوں نے ریکارڈ جیت درج کی۔
لوئس ہیملٹن نے ریس کی ابتدا میں جدوجہد کی اور ان کی ٹیم کی ساتھی والٹیری بوٹاس نے برتری حاصل کرلی تھی۔ اس دوران بارش شروع ہوگئی، پہلی لیپ میں برتری لینے کے بعد بوٹاس کو میک لارین کے کارلوس سنز نے پیچھے چھوڑ دیا۔
بوٹاس نے پھر چھٹی لیپ میں برتری حاصل کی اور ہیملٹن نے بھی کارلوس کو پیچھے چھوڑ دیا۔ ہیملٹن نے 20 ویں لیپ میں بھی بوٹاس کو پیچھے چھوڑا۔ وہ بوٹاس سے 10 سیکنڈ آگے تھے حالانکہ بوٹاس پوری کوشش کر رہے تھے لیکن آخر میں ہیملٹن نے ہی جیت حاصل کی ۔
لوئس ہیملٹن نے 2007 میں میک لارن کے ساتھ فارمولا ون میں ڈیبیو کیا تھا۔ تب سے ہیملٹن نے ہر سیزن میں کم از کم ایک جیت درج کی ہے لیکن 2014 میں وی 6 ٹربو ہائبرڈ دور کے آغاز کے بعد سے ہیملٹن کا ریکارڈ مزید بہتر ہوگیا ہے اور اس کے بعد سے ان کی اوسط 10 رہا ہے۔
