دہلی: ہاکی انڈیا نے کہا کہ کھیلو انڈیا انڈر 16 لیگ میں 16 ٹیموں کو پول اے اور پول بی میں تقسیم کیا جائے گا۔ لیگ کا پہلا مرحلہ 23 اگست تک جاری رہے گا جہاں ہر فاتح ٹیم کو تین پوائنٹس دیئے جائیں گے۔ ڈرا ہونے کی صورت میں دونوں ٹیموں کو 1-1 پوائنٹ دیا جائے گا جبکہ ہارنے والی ٹیم کو کوئی پوائنٹس نہیں ملے گا۔ مدھیہ پردیش ہاکی اکیڈمی کی ٹیم منیجر آکانشا نے کہا کہ 'کھیلو انڈیا انڈر 16 لیگ نوجوان کھلاڑیوں کے لیے بہترین پلیٹ فارم ہے، اس سے قبل ہم باصلاحیت کھلاڑیوں کو سینئر ٹیموں کے ساتھ کھیلنے کا موقع دیتے تھے لیکن انہیں پہچان نہیں ملتی تھی۔ Sports Authority of India
پول اے میں اسپورٹس اتھارٹی آف انڈیا اے، بھائی بہلو ہاکی اکیڈمی بھگتا، گھمن ہیرا رائزر اکیڈمی، سٹیزن ہاکی الیون، اسمارٹ ہاکی اکیڈمی رائے پور، پریتم سیواچ ہاکی اکیڈمی سونی پت، ممبئی اسکول اسپورٹس ایسوسی ایشن اور اسپورٹس ہاسٹل بھونیشور ہیں۔ پول بی میں اسپورٹس اتھارٹی آف انڈیا بی، اننت پور ہاکی اکیڈمی، ایچ اے آر ہاکی اکیڈمی، دہلی ہاکی، مدھیہ پردیش ہاکی اکیڈمی، اڈیشہ نیوی ٹاٹا ہاکی ہائی پرفارمنس سینٹر، سیلوٹ ہاکی اکیڈمی اور گجرات اکیڈمی اسپورٹس اتھارٹی پر مشتمل ہے۔
ایونٹ کی اہمیت کے بارے میں بات کرتے ہوئے مدھیہ پردیش ہاکی اکیڈمی کی ٹیم منیجر آکانشا نے کہا کہ 'یہ نوجوان کھلاڑیوں کے لیے ایک بہترین پلیٹ فارم ہے، اس سے قبل ہم باصلاحیت انڈر 16 کے کھلاڑیوں کو سینئر ٹیموں کے ساتھ کھیلنے کا موقع دیتے تھے لیکن انہیں پہچان نہیں ملتی تھی۔ میرے خیال میں اس عمر کے گروپ کے لیے ایک خصوصی لیگ کے ساتھ غیر معمولی کھلاڑیوں کو پہچان ملے گی۔ ہو سکتا ہے کہ انہیں قومی کیمپوں کے لیے بھی بلایا جائے تاکہ انہیں چھوٹی عمر سے تیار کیا جاسکے۔
