نئی دہلی: بھارت کو شوٹنگ ورلڈ کپ میں اب تک چار تمغے مل گئے ہیں۔ آج رودرنکش بالاصاحب پاٹل اور نرمدا نتن راجو کی جوڑی نے کانسے کا تمغہ جیتا۔ بھارتی جوڑی کو چینی نشانے بازوں سے 8-16 سے شکست کا سامنا کرنا پڑا۔ اس سے پہلے سربجوت سنگھ نے بدھ کے روز 10 میٹر ایئر پسٹل میں گولڈ اور ورون تومر نے کانسی کا تمغہ جیتا تھا۔ کانسے کا تمغہ جیتنے والے ورون تومر باغپت کے رہنے والے ہیں۔ اور سربجوت سنگھ امبالا، ہریانہ سے تعلق رکھتے ہیں۔
ریتھم سنگوان اور ورون تومر نے ایئر پسٹل مکسڈ ٹیم ایونٹ میں چاندی کا تمغہ جیتا۔ دیویا سبباراجو رینکنگ راؤنڈ میں پہنچ گئیں، لیکن تمغہ جیتنے میں ناکام رہیں۔ چین کی لی جوئی گولڈ، وی کیان کانسی اور جرمنی کی ڈورین وینکیمپ سلور میڈل جیتنے میں کامیاب رہیں۔ چین ISSF ورلڈ کپ (ISSF) میں دو طلائی اور ایک کانسی کا تمغہ جیت کر کل تین تمغوں کے ساتھ پہلے نمبر پر ہے۔ اس کے ساتھ ہی بھارت ایک گولڈ، دو سلور اور ایک برانز میڈل کے ساتھ کل تین تمغوں کے ساتھ دوسرے نمبر پر ہے۔ آذربائیجان ایک چاندی اور ایک کانسی کے تمغے کے ساتھ تیسرے اور جرمنی ایک چاندی اور ایک کانسی کے تمغے کے ساتھ چوتھے نمبر پر ہے۔
شوٹنگ ورلڈ کپ میں دنیا کے 33 ممالک حصہ لے رہے ہیں۔ ان ممالک کے 325 نشانے باز تمغے جیتنے کی بھرپور کوشش کر رہے ہیں۔ حصہ لینے والے ممالک چین، آذربائیجان، امریکہ، اسرائیل، جرمنی، جاپان، جمہوریہ چیک، برازیل، بنگلہ دیش، بوسنیا، ہرزیگوینا، ڈنمارک، برطانیہ، ایران، قازقستان، فرانس، ہنگری، کرغزستان، کوریا، لتھوانیا، مالدیپ، میکسیکو، سعودی عرب ، رومانیہ، سربیا، سنگاپور، سری لنکا، ازبکستان، سوئٹزرلینڈ اور سویڈن شامل ہیں۔
مزید پڑھیں:
