ترکی میں جاری ٹورنامنٹ میں بھارتی کھلاڑیوں نے شاندار کارکردگی کا سلسلہ برقرار رکھتے ہوئے مزید تمغے حاصل کیے۔
اس سے قبل راہل اوارے نے فری اسٹائل 61 کلوگرام، سیما بسلا نے خواتین کے 50 کلوگرام اور منجو کماری نے 59 کلوگرام میں طلائی تمغہ حاصل کیا تھا۔
جبکہ اتکرش کالے نے 61 کلوگرام میں کانسے کا، 53 کلوگرام کے فائنل میں ونیش نے روس کی کیتھرین پولشچک کو 5-9 سے شکست دے کر طلائی تمغہ اپنے نام کیا۔
اس کے علاوہ مردوں کے زمرے میں دیپک کو آذربائیجان کے الیکزینڈر گوستیو سے 2-7 سے شکست کے بعد چاندی کے تمغہ پر اکتفا کرنا پڑا۔
بھارتی پہلوانوں کی اس کامیابی پر کشتی فیڈریشن کے صدر برج بھوشن شرن سنگھ نے تمام کھلاڑیوں کی کارکردگی پر خوشی کا اظہار کرتے ہوئے امید ظاہر کہ تمام کھلاڑی اپنی شاندار کارکردگی آگے بھی جاری رکھیں گے اور سنہ 2020 کے ٹوکیو اولمپکس میں بھی تمغے حاصل کریں گے۔
