پاکستان ڈیوس کپ میں بھارت کی میزبانی کرے گا

بھارت اور پاکستان کے درمیان دو طرفہ کھیل رابطے طویل عرصے سے منقطع ہیں لیکن پاکستان کو اس سال ستمبر میں ڈیوس کپ مقابلے میں بھارت کی میزبانی کرنی ہے۔

پاکستان اور بھارت کے درمیان ڈیوس کپ ایشیا اوشیانا زون کے گروپ ایک مقابلہ گراس کورٹ پر اسلام آباد کے پاکستان اسپورٹس كمپلیكس میں کھیلا جائے گا۔ حال میں بین الاقوامی اولمپک کمیٹی (آئی او سی) نے بھارت پر بین الاقوامی کھیلوں کی میزبانی کرنے سے متعلق عائد پابندی ہٹائی ہے ۔ دراصل اس سال کے اوائل میں دہلی میں شوٹنگ ورلڈ کپ منعقد ہوا تھا جس میں پاکستان کے دو نشانے بازو ں کو عالمی کپ میں حصہ لینے کے لئے ویزا نہیں مل پایا تھا۔
آئی او سی نے اس معاملے پر سخت قدم اٹھاتے ہوئے پاکستانی نشانےبازوں کے مقابلے سے اولمپک کوٹہ ہی ختم کر دیا تھا۔ دہلی میں عالمی کپ کی میزبانی کسی طرح بچ پائی تھی۔ لیکن آئی او سی نے اس کے بعد بھارت پر بین الاقوامی کھیلوں کی میزبانی کو لے کر پابندی لگا دی تھی۔