گزشتہ روز صرف دس میٹر ایئر رائفل مقابلے ہی ہوا جس کا طلائی تمغہ جمہوریہ چیک کے فلپ نپیج چال نے جیتا۔
بھارت کےدیپک کمار نے کوالیفائنگ راؤنڈ میں 628.3 پوائنٹس بنائے لیکن یہ فائنل میں پہنچے آٹھ کھلاڑیوں میں جگہ بنانے کے لیے کافی نہیں تھا اور وہ 19 ویں نمبر پر رہے۔
دیپک ایک وقت دوسرے مقام پر تھے لیکن آخر کے 20 شاٹس میں خراب کارکردگی کی وجہ سے فائنل کی دوڑ سے باہر ہو گئے۔
جبکہ دیويانش سنگھ پوار اور روی کمار نے بالترتیب 627.6 اور 621.4 پوائنٹس حاصل کئے اور بالترتیب 31 ویں اور 86 ویں نمبر پر رہے۔
مردوں کی 25 میٹر ریپڈ فائر پسٹل مقابلے کے پہلے راؤنڈ میں ارپت گوئل 291 کے اسکور کے ساتھ 13 ویں، آدرش سنگھ 285 پوائنٹس لے کر 37 ویں اور انیش 280 پوائنٹس بنا کر 59 ویں مقام پر ہیں۔
خواتین کی 50 میٹر رائفل تھری پوزیشن میں این گائتری نے ابھی تک 1173 پوائنٹس بنائے ہیں اور وہ 11 ویں مقام پر ہیں۔ جبکہ سندیدھی چوہان نے 1171 اور کاجل سینی نے 1167 کا اسکور بنایا ہے اور وہ بالترتیب 18 ویں اور 26 ویں مقام پر ہیں۔
