ہرمن پریت یہ اعزاز جیتنے والی پہلی ہندوستانی خاتون کھلاڑی ہیں۔ انہوں نے یہ اعزاز اپنی ہم وطن اوپنر اسمرتی مندھانا اور بنگلہ دیش کی کپتان نگار سلطانہ کو شکست دے کر حاصل کیا۔ Player of the Month Award
ایوارڈ حاصل کرنے پر ہرمن پریت نے کہا، "ایوارڈ کے لیے نامزد ہونا بہت اچھا تھا، اور اسے جیتنا ایک شاندار احساس ہے۔ اسمرتی اور نگار کے ساتھ نامزد ہونے کے بعد فاتح بننا ایک شاندار تجربہ ہے۔"
ہرمن پریت کی کپتانی میں ہندوستان نے انگلینڈ میں 23 سال بعد ون ڈے سیریز میں میزبان ٹیم کو 3-0 سے کلین سویپ کرکے سیریز جیتی۔ ہرمن پریت نے دوسرے میچ میں 111 گیندوں پر 143 رنز کی جارحانہ اننگز کھیل کر ہندوستان کو سیریز میں 2-0 کی ناقابل تسخیر برتری حاصل کرنے میں مدد کی۔
ہرمن پریت نے کہا کہ میں نے ہمیشہ اپنے ملک کی نمائندگی کرنے پر بڑا فخر محسوس کیا ہے اور انگلینڈ میں تاریخی ون ڈے سیریز جیتنا میرے کیریئر کا تاریخی لمحہ ہوگا۔
ہرمن پریت انگلینڈ کی ون ڈے سیریز میں 221 کی اوسط اور 103.27 کے اسٹرائیک ریٹ کے ساتھ 221 رنز بنا کر سب سے زیادہ رنز بنانے والی کھلاڑی رہیں۔
یواین آئی
