رواں سال آذربائیجان ، سنگاپور اور جاپان میں فارمولا ون گراں پری ریس کو کورونا وائرس کے خطرہ کے سبب منسوخ کردیا گیا ہے۔ منتظمین نے جمعہ کے روز اس بارے میں جانکاری دیں۔
فارمولا ون نے اس سے قبل موناکو گراں پری سمیت چار ریسوں کو منسوخ کردیا تھا۔ کورونا وائرس نے دنیا بھر میں کھیلوں کی سرگرمیاں ٹھپ کر رکھی ہیں اور بہت سے ٹورنامنٹ ملتوی یا منسوخ کردیئے گئے ہیں۔
فارمولا ون نے ایک بیان جاری کرتے ہوئے کہا کہ کورونا کی وجہ سے موجودہ چیلنجوں کے پیش نظر ہم نے آذربائیجان ، سنگاپور اور جاپان کے منتظمین سے بات چیت کی ہے اور 2020 کے سیزن کے لئے ان کی ریس منسوخ کرنے کا فیصلہ کیا ہے۔
