ایف ایم ایس سی آئی کی وزیر کھیل سے ملاقات

بھارت میں موٹر اسپورٹس کو کنٹرول کرنے والے ادارے فیڈریشن آف موٹر اسپورٹس كلبس آف انڈیا(ایف ایم ایس سی آئی ) کے وفد نے آج مرکزی وزیر کھیل کرن رجیجو سے ملاقات کی اور اسپورٹس سے متعلق مسائل کو ان کے روبرو رکھا۔

اس وفد میں جے کے ٹائر اسپورٹس چیف سنجے شرما اور تین بار کے ایشیا پیسیفک اور چھ بار انڈین ریلی چمپئن گورو گل شامل تھے۔

کرن رجیجو نے وفد سے کہا کہ وہ اسپورٹس کو ملک میں ایک اعلی مقام پر دیکھنا چاہتے ہیں۔

قابل ذکر ہے کہ موٹر اسپورٹس وزارت کھیل سے تسلیم شدہ ہے لیکن آج تک کسی ریسر کو ملک کا ممتاز ارجن ایوارڈ نہیں مل پایا ہے۔