کولکاتا:مغربی بنگال کے دارالحکومت کولکاتا میں جاری ڈورنڈ کپ کے مقابلوں میں پنچاب ایف سی نے بنگلہ دیش آرمی کی فٹبال ٹیم کو بغیر کسی گول کے برابری پر روک کر ایک قیمتی پوائنٹ چھین لیا۔ اس میچ کے ڈرا ہونے سے پہلے ایسٹ بنگال کے خلاف ڈرا کے بعد یہ آئی ایس ایل ٹیم کے خلاف بی اے ایف ٹی کا دوسرا ڈرا ہے۔ اس ڈرا کے ساتھ، بی اے ایف ٹی نے تین میچوں میں دو پوائنٹس کے ساتھ گروپ مرحلے کا اختتام کیا، جبکہ پنجاب ایف سی کے پاس دو میچوں سے ایک پوائنٹ ہے۔
ٹیم پی ایف سی کے پاس 64 فیصد گیند تھی لیکن وہ بی اے ایف ٹی کے اٹوٹ دفاع کے سامنے مواقع سے فائدہ نہیں اٹھا سکی۔ دن کے دوسرے میچ میں چنئیین ایف سی نے حیدرآباد ایف سی کو 3-1 سے شکست دی۔ چنئیین کی جانب سے ایلکس ساجی (چھٹے منٹ) نے گول کیا جبکہ شیلڈز مرے (15ویں، 46ویں منٹ) نے دو گول کئے۔ حیدرآباد کا واحد گول ثنا (چوتھے منٹ) نے کیا۔
یہ بھی پڑھیں:Fire At Eden Garden ایڈن گارڈن کے ڈریسنگ روم میں آتشزدگی
دوسری طرف آج ڈورنڈ کپ فٹبال ٹورنامنٹ میں محمڈن اسپورٹنگ کا انڈین نیوی کے درمیان اہم مقابلہ کھیل جائے گا،ٹورنامنٹ میں برقرار رہنے کےلئے محمڈن اسپورٹنگ کو اس میچ میں کسی بھی قیمت پر جیت درج کرنئ ہوگی۔
