عالمی یوتھ شطرنج چمپئن شپ کورونا کے سبب ملتوی

عالمی شطرنج کی اسٹیئرنگ کمیٹی فیڈے نے اس سال ستمبر میں رومانیہ میں ہونے والے عالمی یوتھ شطرنج چمپئن شپ کو کورونا کے خطرے کی وجہ سے جمعہ کو ملتوی کرنے کا فیصلہ کیا۔

کورونا وائرس کے خطرے کی وجہ سے دنیا بھر میں کھیل سرگرمیاں ٹھپ پڑی ہوئی ہیں اور کئی ٹورنامنٹوں کو منسوخ یا ملتوی کرنا پڑا ہے۔

فیڈے نے اپنی ویب سائٹ پر اس کا اعلان کرتے ہوئے کہا کہ فیڈے مینجمنٹ بورڈ نے عالمی یوتھ شطرنج چمپئن شپ 2020 کے منتظمین کی اپیل کے پیش نظر اور دنیا بھر میں کورونا کی وجہ سے غیر یقینی ماحول کو دیکھتے ہوئے اس ٹورنامنٹ کو ملتوی کرنے کا فیصلہ کیا ہے۔

فیڈے نے بتایا کہ ٹورنامنٹ کا نیا پروگرام ایوینٹس شروع ہونے سے چار ماہ کے اندر اندر جاری کیا جائے گا۔