بنگلورو: ہندوستان کے ہیڈ کوچ راہول دراوڑ نے 2023 ون ڈے ورلڈ کپ سے قبل جسپریت بمراہ کی ٹیم میں واپسی پر اپنے جوش کا اظہار کیا۔
بمراہ آئرلینڈ کی ٹی 20 سیریز میں واپسی کرنے سے پہلے کمر میں اسٹریس فریکچر کی وجہ سے تقریباً ایک سال تک کرکٹ سے دور تھے۔ اب ورلڈ کپ سے پہلے بمراہ سری لنکا میں ہونے والے ایشیا کپ 2023 میں ہندوستان کی نمائندگی کریں گے۔ دراوڑ انکی واپسی پر خوش ہیں، حالانکہ ٹیم بمراہ کے کام کے بوجھ کو احتیاط سے سنبھالے گی۔
دراوڑ نے کہا، "ہاں، انہیں واپس لانا اور انہیں بولنگ کرتے دیکھنا بہت اچھا ہے۔ جسپریت ایک ایسے کھلاڑی ہیں جنہیں ہم نے پچھلے دو سالوں میں بہت یاد کیا ہے۔ مجھے یہ کہنا ضروری ہے کہ اس نے زیادہ میچ نہیں کھیلے ہیں، لیکن اسے واپس لانا اچھا ہے اور ہم اسے آہستہ آہستہ ٹیم میں شامل کرلیں گے۔
دراوڑ نے بمراہ کی واپسی کرنے پر کہا، "وہ چار اوور ان دونوں کے لیے آئرلینڈ کے دورے پر اچھی پریکٹس تھے، جس سے انھیں بولنگ میں کچھ آسانی ہوئی۔ اب ایشیا کپ میں ہمیں اس مشق کو آگے بڑھانے کا موقع ملا ہے۔ ہمارے پاس ورلڈ کپ سے پہلے تیاری کے لیے پورا ایک مہینہ ہے۔ یہ ہمیں فاسٹ باؤلنگ کے شعبے میں مزید متبادل فراہم کرتے ہیں۔ یہ ہمیں زیادہ وسائل رکھنے کا موقع فراہم کرتا ہے، خاص طور پر ورلڈ کپ جیسے طویل ٹورنامنٹ میں۔"
ایشیا کپ کا فائنل 17 ستمبر کو کھیلا جائے گا، جب کہ ہندستان اپنی ون ڈے ورلڈ کپ مہم 8 اکتوبر کو شروع کرے گا۔ ہیڈ کوچ کے طور پر اپنے پہلے ورلڈ کپ میں دراوڑ نے ٹیم کی تیاری پر اعتماد کا اظہار کیا اور اچھے مظاہرہ کی امید ظاہر کی۔
دراوڑ نے کہا، "اس (ورلڈ کپ) سے دباؤ جڑا ہوگا، جو خوش آئند ہے اور مجھے لگتا ہے کہ ہم سب اس کی امید کرتے ہیں۔ اپنے گھریلو ہجوم، ہمارے شائقین کے سامنے کھیلنے کے قابل ہونا، سب کے لیے بہت خاص ہونے والا ہے اور ہمیں امید ہے کہ ہمارے پاس ایک اچھا ٹورنامنٹ ہوگا۔
یہ بھی پڑھیں: راہل ایشیا کپ کے پہلے دو میچ نہیں کھیل پائیں گے
انہوں نے کہا، “مجھے لگتا ہے کہ ہم نے تیاری کر لی ہے، ہم اچھی تیاری کر رہے ہیں۔ اس ٹورنامنٹ میں کچھ بہت اچھی ٹیمیں ہوں گی۔ میرے خیال میں آئی پی ایل جیسے ٹورنامنٹ پر غور کرتے ہوئے یہ کہا جا سکتا ہے کہ ہندوستان کو گھریلو حالات کا فائدہ ہوگا۔ ہمیں یقین ہے کہ ہم اچھی کارکردگی کا مظاہرہ کریں گے اور ہم واقعی پرجوش ہیں۔ میں بطور کوچ اس کا منتظر ہوں۔"
یواین آئی۔
