بھارتی ایتھلیٹکس فیڈریشن (اے ایف آئی ) کے صدر عادل سماروالا نے جمعہ کو ایک بیان میں یہ جانکاری دیتے ہوئے کہاکہ ہم نے 3،4 اور 5 اپریل کو جے پور میں ہونے والی ایگزیکٹو میٹنگ اور سالانہ عام اجلاس اور اے ایف آئی کے انتخابات کو ملتوی کرنے کا فیصلہ کیا ہے۔
یہ فیصلہ ہم نے کورونا کی وجہ سے لگائی گئی مختلف سفر پابندیوں کے سبب لیا ہے کیونکہ ہمارے رکن ملک کے مختلف حصوں سے آئیں گے۔ نئی تاریخوں کی اطلاع حالات کو دیکھتے ہوئے دی جائے گی۔
سماروالا نے کہاکہ ہم نے ساتھ ہی اے ایف آئی کے دفتر کو 21 مارچ سے بند کرنے کا فیصلہ کیا۔ آفس کے عملے کو گھر سے کام کرنے کے لئے کہا گیا ہے۔
اس سے قبل بھارتی بیڈمنٹن یونین (بائی) نے خطرناک کورونا وائرس کے خطرے کے سبب اپنے دفتر کو 23 مارچ سے بند کرنے کا فیصلہ کیا ہے اور بائی کورونا سے پیدا صورتحال پر 31 مارچ کو جائزہ لے گا۔
