سابق ایشیائی سلور میڈلسٹ باکسر سمیت سانگوان (91 کلوگرام) پر سے قومی اینٹی ڈوپنگ ایجنسی (ناڈا) نے پیر کو ایک برس کی پابندی ہٹا دی۔
پیر کو سماعت مکمل ہونے کے بعد سانگوان پر سے پابندی ہٹا دی گئی۔ سانگوان پر ممنوعہ ادویات کی کافی مقدار کے استعمال پر دسمبر 2019 میں ایک برس کی پابندی عائد کی گئی تھی ۔
پابندی ہٹنے کے بعد سانگوان نے کہا کہ 'میں آج بہت راحت محسوس کر رہا ہوں۔ مجھے پتہ تھا کہ میں نے کچھ غلط نہیں کیا ہے اور مجھے خوشی ہے کہ میں خود کو بے قصور ثابت کرنے میں کامیاب رہا۔'
انہوں نے کہاکہ میں نے پینل کے سامنے اپنی میڈیکل رپورٹ پیش کی جسے میں سماعت کے پہلے دن نہیں دکھا پایا تھا جس کے بعد مجھ پر پابندی لگادی گئی تھی ۔
