ووکشی (چین):ایشین فینسنگ چیمپئن شپ میں یہ ہندوستان کا پہلا تمغہ ہے۔ عالمی نمبر 49 فینسر بھوانی نے کوارٹر فائنل میں دفاعی عالمی چیمپئن مساکی امورا کو 15-10 سے زیر کر کے یہ کارنامہ انجام دیا۔ یہ بھوانی کی عالمی نمبر ایک مساکی کے خلاف پہلی جیت تھی، جب کہ جاپانی تلوار باز نے اس سے قبل چار مقابلے جیتے تھے۔
بھوانی کو سیمی فائنل میں ازبکستان کی زینب ڈائبیکووا سے 14-15 سے شکست ہوئی، لیکن وہ تاریخی کانسی کا تمغہ جیت کر ٹاپ فور میں پہنچ گئیں۔ ایشین فینسنگ چیمپئن شپ میں، سیمی فائنل ہارنے والے کانسی کے تمغے جیتتے ہیں، جبکہ جیتنے والے خطابی مقابلہ کرتے ہیں۔ زینب نے فائنل میں عالمی نمبر 28 جمہوریہ کوریا کی جسو یون کو 15-9 سے شکست دے کر طلائی تمغہ جیتا۔
اس سے پہلے بھوانی دیوی کو راؤنڈ آف 64 میں بائی ملی تھی۔ اس نے اگلے راؤنڈ میں عالمی نمبر 95 قزاقستان کی ڈوسپے کرینہ کو 15-13 اور پری کوارٹر فائنل میں عالمی نمبر 40 جاپان کی سیری اوزاکی کو 15-11 سے شکست دی۔
دیگر ہندوستانی فینسرز جنہوں نے خواتین کے سیبر ایونٹ میں حصہ لیا ان میں جگمیت کور، رشیکا کھجوریا اور جوسنا کرسٹی نے تمغے نہیں جیتے۔دو بار کی کامن ویلتھ چیمپئن بھوانی دیوی کے پاس اس سے قبل دو ایشیائی تمغے تھے، لیکن دونوں انڈر 23 کی سطح پر آئے۔ انہوں نے 2014 میں چاندی کا انفرادی اور 2015 میں کانسی کا تمغہ جیتا تھا۔
یہ بھی پڑھیں:UP State Taekwondo Championship 2023 تائیکوانڈو، 41 گولڈ کے ساتھ لکھنؤ اوور آل چیمپئن
بھوانی 2020 کے ٹوکیو اولمپکس میں حصہ لینے والی پہلی ہندوستانی فینسر بن گئیں، جہاں وہ ٹاپ 32 مرحلے سے باہر ہو گئی تھیں۔سیبر ٹیم اور انفرادی ایونٹس کے علاوہ ایشین فینسنگ چیمپئن شپ 2023 میں فوائل اور ایپی مقابلوں کی چمپئن شپ بھی شامل ہیں۔ کانٹی نینٹل چیمپئن شپ 20 جون کو ختم ہوگی۔
یو این آئی
