ایڈیلیڈ: بھارتی خواتین ہاکی ٹیم کو جمعرات کو اپنے افتتاحی میچ میں آسٹریلیا کے ہاتھوں چار دو سے شکست کا سامنا کرنا پڑا۔ بھارت کی جانب سے سنگیتا کماری (29ویں منٹ) اور شرمیلا دیوی (40ویں منٹ) نے ایک ایک گول کیا، جبکہ آسٹریلیا نے آئسلنگ اتری (21ویں منٹ)، میڈی فٹزپیٹرک (27ویں منٹ)، ایلیس آرنٹ (32ویں منٹ) اور کورٹنی شونیل (35ویں منٹ) کے گولوں سے جیت درج کی۔ آسٹریلیائی خواتین مقابلہ شروع ہوتے ہی اچھی لے میں تھیں اور پہلے کوارٹر میں بھارت پر غلبہ حاصل کر گئیں۔ میزبان ٹیم نے ابتدائی 15 منٹ میں کئی بار مہمانوں کے دفاع کا تجربہ کیا۔
آسٹریلیا نے کھیل کے ابتدائی کوارٹر میں تین پنالٹی کارنر بھی جیتے لیکن ہندوستانی ٹیم کی کپتان اور گول کیپر سویتا کے ساتھ ساتھ دفاعی لائن کی بے مثال کوششوں کی وجہ سے فائدہ اٹھانے میں ناکام رہا۔ دوسرے کوارٹر میں آسٹریلیا کے حملہ آور کھیل کا نتیجہ نکلا جس میں آئزلنگ میڈی نے ایک ایک گول اسکور کیا۔ آئزلنگ نے ابیگیل ولسن کے کراس سے فیلڈ گول کیا جبکہ میڈی نے پنالٹی کارنر کو گول میں بدل کر میزبان ٹیم کی برتری کو دگنا کردیا۔ دو گول سے پیچھے رہنے والے ہندوستان نے جارحانہ انداز اپنایا اور 29ویں منٹ میں ہی سنگیتا نے نکی پردھان کی مدد سے مہمان ٹیم کا کھاتہ کھول دیا۔
یہ بھی پڑھیں: Indian Hockey Team پرو لیگ کے لیے بھارتی ہاکی ٹیم کا اعلان، پاٹھک کی واپسی
ایلس اور کورٹنی نے تیسرے کوارٹر کے پہلے پانچ منٹ میں آسٹریلیا کی برتری کو 4-1 تک بڑھا دیا۔ شرمیلا نے میچ کے 40ویں منٹ میں ہندوستان کے لیے ایک گول کیا، حالانکہ یہ ٹیم کی جیت کے لیے کافی نہیں تھا۔ آخری کوارٹر میں دونوں ٹیمیں گول کرنے کے قریب آئیں لیکن کوئی بھی ٹیم گول کرنے میں کامیاب نہ ہو سکی اور فتح آسٹریلیا کے حصے میں آئی۔ ہندوستانی اور آسٹریلیائی خواتین ہفتہ کو دوسرے میچ میں آمنے سامنے ہوں گی۔
یو این آئی
