ہانگژو:ہندوستان نے گزشتہ ہفتے اپنے ابتدائی پول اے مقابلے میں ازبکستان کو 16-0 سے شکست دی تھی جبکہ منگل کو ہرمن پریت سنگھ کی قیادت والی ٹیم نے سنگاپور کو 16-1 سے ہرا کر مسلسل دوسری جیت حاصل کی۔ ہندوستان اب تک کے سب سے مشکل چیلنج کے لئے اپنی تیاری مکمل کر چکا ہے ۔ ہندوستان کا مقابلہ جمعرات کو 2018 کے ایشیائی کھیلوں میں گولڈ میڈل جیتنے والی ٹیم جاپان سے ہوگا۔
سنگاپور کے خلاف چار گول کرنے والے ہندوستانی کپتان ہرمن پریت سنگھ نے کہا کہ ہم کل کے میچ کی سطح سے بخوبی واقف ہیں۔ جاپان کے پاس ایک مضبوط یونٹ ہے اور ہم ان کی طاقتوں اور کمزوریوں سے واقف ہیں۔ ہمیں اپنے کھیل کے انداز پر توجہ مرکوز کرنی ہوگی، لیکن اچھے نتائج حاصل کرنے کے لیے میدان میں ضرورت پڑنے پر حکمت عملی تبدیل کرنے کے لیے بھی تیار رہنا چاہیے۔‘‘
جاپان بھی گیمز میں اب تک ناقابل شکست ہے، اس نے اپنے پہلے پول اے میچ میں بنگلہ دیش کو 7-2 سے شکست دی اور اس کے بعد اپنے دوسرے گیم میں ازبکستان کے خلاف 10-1 سے کامیابی حاصل کی۔
ہرمن پریت نے کہا، “جاپان کی ٹیم میں بہت سے گول اسکورر ہیں۔ اس لیے ان کی جارحانہ سرگرمیوں سے نمٹنے کے لیے ہماری دفاعی لائن کو مضبوط کرنے کی ضرورت ہے ۔دونوں ٹیموں کے مابین یہ ایک دلچسپ مقابلہ ہوگا اور ہندوستان سبھی چیلنج کے لئے پوری طرح تیار ہے۔