ایشیا کپ 2022 میں بھارت کے خلاف میچ سے قبل پاکستانی ٹیم کو بڑا جھٹکا لگا ہے۔ ٹیم کے فاسٹ باؤلر محمد وسیم جونیئر ٹورنامنٹ سے باہر ہو گئے ہیں Mohammad Waseem Ruled Out ۔ پاکستان کرکٹ بورڈ Pakistan Cricket Board نے ایک بیان جاری کرتے ہوئے اس کی اطلاع دی ہے۔ وسیم سے پہلے شاہین آفریدی Shaheen Shah Afridi کو بھی ٹورنامنٹ سے باہر ہونا پڑا۔
بیان میں کہا گیا ہے کہ 'وہ بدھ کو پاکستانی ٹیم کے پریکٹس سیشن کے دوران باؤلنگ کرتے ہوئے انجری کا شکار ہوئے'۔ محمد وسیم جونیئر کا ٹیم کے طبی عملے نے جائزہ لیا اور پھر ان کا ایم آر آئی سکین ہوا۔ میڈیکل ٹیم وسیم کی بحالی پر گہری نظر رکھے گی اور انگلینڈ کے دورہ پاکستان سے قبل ان کی مسابقتی کرکٹ میں واپسی کا از سر نو جائزہ لیا جائے گا۔
بیان کے مطابق، فاسٹ بولر حسن علی Fast Bowler Hasan Ali کو وسیم کی جگہ ٹیم میں شامل کیا گیا ہے۔ حسن علی گزشتہ تین ہفتوں سے نیشنل ہائی پرفارمنس سینٹر میں اپنی باؤلنگ پر کام کر رہے ہیں اور اس وقت راولپنڈی میں ہیں۔
