دوسری سیڈ چینی تائی پے کی تائی جو ینگ اور دوسری سیڈ ڈنمارک کے وکٹر ایکسلسن نے آل انگلینڈ بیڈمنٹن چمپئن شپ میں بالترتیب خاتون اور مرد زمرے کے سنگلز خطاب جیت لیے ہیں۔
جو ینگ نے اتوار کو خطابی مقابلے میں ٹاپ سیڈ چین کی چین یو فئي کو 44 منٹ میں 21-19، 21-15 سے شکست دے کر ٹائٹل اپنے نام کیا جبکہ ایکسلسن نے ٹاپ درجہ بندی کے چینی تائی پے کے کھلاڑی چوو تین چن کو 21-13، 21-14 سے شکست دے کر پہلی بار یہ خطاب جیتا۔
عالمی درجہ بندی میں دوسرے نمبر کی کھلاڑی جو ینگ نے نمبر ایک یو فئي کے خلاف اپنا کیریئر ریکارڈ اب 15-3 پہنچا دیا ہے۔اس سے پہلے مردوں کے سنگلز فائنل میں عالمی رینکنگ میں ساتویں نمبر کے کھلاڑی ایکسلسن نے دوسری درجہ بندی کے چین کو 46 منٹ میں شکست دی۔ ایکسلسن نے اس جیت کے ساتھ چین کے خلاف اپنا کریئر ریکارڈ 10-2 کر لیا ہے۔
چین نے گزشتہ سال ورلڈ ٹور فائنلس میں ایکسلسن کو شکست دی تھی جبکہ اس سے پہلے ایکسلسن نے چین سے مسلسل سات مقابلے جیتے تھے۔
ایکسلسن نے اس جیت کے ساتھ ڈنمارک کا آل انگلینڈ چمپئن شپ میں 21 سال کا انتظار ختم کر دیا۔ ڈنمارک کے پیٹر گیڈ آل انگلینڈ ٹائٹل جیتنے والے ڈنمارک کے آخری کھلاڑی تھے جنہوں نے 1999 ء میں یہ کارنامہ کیا تھا۔
اس کے بعد اب جاکر ایکسلسن نے ڈنمارک کو یہ خطاب دلایا۔تیسری سیڈ جاپانی جوڑی يوكي فوکوشیما اور سياكا هروتا نے چھٹی سیڈ چینی جوڑی ڈو يو اور لی ین ہوئی کو 46 منٹ میں 21-13، 21-15 سے شکست دے کر خاتون ڈبلز خطاب جیت لیا۔
مکسڈ ڈبلز ٹائٹل پانچویں سیڈ انڈونیشیا جوڑی پروین اردن اور میلاتي دووا اوكتاوياتي نے جیتا جبکہ مردوں کے ڈبلز ٹائٹل چھٹی سیڈ جاپانی جوڑی هرويوكي ایندو اور يوتا وتانبے نے جیتا۔
ٹورنامنٹ میں جاپان نے دو خطاب جیتے جبکہ ڈنمارک، انڈونیشیا اور چینی تائی پے کے حصے میں ایک ایک خطاب آیا۔ چین نے دو فائنل کھیلے لیکن اسے کوئی خطاب ہاتھ نہیں لگا۔
