بھارتی ٹیم کی جانب سے 75 میچ کھیلنے نیہا گوئل کا کہنا ہے کہ خواتین ٹیم کا مقصد اولمپکس میں تمغہ جیتنا ہے اور اس کے لیے ٹیم نے تیاری شروع کردی ہے۔
واضح رہے کہ ٹوکیو اولمپکس رواں برس جولائی میں منعقد ہونا تھا لیکن کورونا کی وجہ سے اسے آئندہ برس تک ملتوی کردیا گیا۔
ہاکی ٹیم کی 23 سالہ نوجوان کھلاڑی نے کہا کہ 'اس وقت ہماری توجہ اولمپکس پر مرکوز ہے۔ ہم اپنے آپ کو فٹ رکھنے کے لیے پچھلے کچھ مہینوں سے سخت محنت کر رہے ہیں اور آنے والے مہینوں میں ہم اپنے کھیل کو بہتر بنانے کے لیے ہر ممکن کوشش کریں گے۔
انہوں نے مزید کہا کہ 'گزشتہ برس اس ٹیم کے لیے بہت اچھا رہا جہاں ہم نے اولمپک کوالیفائر جیت کر اولمپک کوٹہ حاصل کیا۔ حال ہی میں ہم نے دنیا کی ٹاپ ٹیموں کے ساتھ مقابلہ کیا ہے اور اب ہمارا واحد مقصد اولمپکس میں میڈل جیتنا ہے۔
