اسکول کی یلو اور ریڈ ہاؤس کی ٹیم کے درمیان میچ کھیلا گیا جس میں ریڈ ہاؤس کی ٹیم نے کامیابی حاصل کی اور یونیورسٹی اسکول کے ڈائریکٹر پروفیسر افسرعلی نے ٹیم کے سبھی ممبران کو میڈل پہنا کر اور ٹرافی دے کر ان کی حوصلہ افزائی کی۔
میچ کے دوران اسکول کے پرنسپل ڈاکٹر عباس نیازی، وائس پرنسپل ڈاکٹر صبا خان، اے ایم یو اسکول ڈائریکٹر پروفیسر افسرعلی خان، اسکول کے اسپورٹس ٹیچر عمران، یونیورسٹی ہاکی کلب کے صدر اورکوچ انیس الرحمان کے ساتھ اسکول کی طالبات موجود رہیں۔
واضح رہے کہ دھیان چند کی پیدائش 29 اگست 1905 میں ہوئی اور ان کا انتقال 3 دسمبر 1979 میں ہوا۔ علیگڑھ مسلم یونیورسٹی کے سر ضیاءالدین ہال میی دھیان چند کے نام پر ایک ہوسٹل بھی ہے جس کے 36 کمروں میں تقریبا 144 طلبا رہتے ہیں۔
اسکول کے وائس پرنسپل ڈاکٹر صبا خان نے بتایا کہ 'یہ یونیورسٹی کی تاریخ میں پہلی بار ہے کہ جب یونیورسٹی کی گرلز ہاکی ٹیم بنی ہے۔' اسکول کی گرلز ہاکی ٹیم کی ہر طرح کی مدد اور حوصلہ افزائی کے لیے صبا خان نے یونیورسٹی وائس چانسلر پروفیسر طارق منصور، اسکول ڈائریکٹر پروفیسر افسرعلی اور پرنسپل کا شکریہ ادا کیا۔
