عالمی رینکنگ میں چوتھے نمبر پر موجود بھارت نے آسٹریلیا کو آخری مرتبہ 2016 میں کھیلے گئے ٹیسٹ میچ میں شکست دی تھی۔ تب سے اب تک چار برسوں میں بھارت آسٹریلیا کو نہیں ہرا سکا ہے ۔
آسٹریلیا کی جانب سے ڈیلین وِتھرسپون نے میچ کے چھٹے منٹ میں میدانی گول کر کے ٹیم کا اسکور 1-0 سے آگے کر دیا ۔ اس کے بعد ٹام ویکیم نے 18 ویں منٹ میں میدان گول کیا اور آسٹریلیا کو 2-0 کی برتری دلا دی ۔
بھارت کو اگرچہ 36 ویں منٹ میں پنلٹی کارنر حاصل ہوا اور راج کمار پال نے اس کا پورا فائدہ اٹھاتے ہوئے بہترین گول کیا اور سکور 1-2 کر دیا ۔
آسٹریلیا کی جانب سے اس کے بعد لاچلن شارپ نے میچ کے 41 ویں منٹ میں میدانی گول کر بھارتی ٹیم کو ایک بار پھر دھچکا دے دیا ۔ بھارت جب تک کچھ سمجھتا اس سے پہلے ہی جیکوب اینڈرسن نے ایک منٹ بعد ہی 42 ویں منٹ میں ایک اور میدانی گول کر کے آسٹریلیا کی برتری کو 4-1 سے مضبوط کر دیا ۔
بھارت نے آخری کوارٹر تک اپنی کوششیں جاری رکھی اور اس 47 ویں منٹ میں راج کمار کے میدانی گول نے ایک اور کامیابی دلائی ۔ راج کمار نے بہترین گول کر کے اسکور 2-4 اور آسٹریلیا کی برتری کم کرنے کی کوشش کی ۔
میچ کے آخری دور میں روپیندر سنگھ کے 52 ویں منٹ میں کئے میدانی گول نے بھارت میں امید جگا دی اورا سکور 3-4 کر دیا ۔ لیکن مقررہ وقت اور اس کے بعد کافی وقت تک کوئی گول نہیں ہونے کی وجہ سے بھارت کو آسٹریلیا کے ہاتھوں ہار کا سامنا کرنا پڑا ۔پرو لیگ میں پہلی مرتبہ کھیل رہے ۔
بھارت نے اس ٹورنامنٹ میں اب تک شاندار کارکردگی کا مظاہرہ کیا ہے ۔ بھارت نے اس سے پہلے دنیا کی تیسرے نمبر کی ٹیم ہالینڈ کو دونوں مقابلوں میں شکست دی تھی ۔
بھارت نے پھر دنیا کی نمبر ایک ٹیم اور عالمی چیمپئن بیلجیم کو پہلے میچ میں 2-1 سے شکست دی لیکن دوسرے میچ میں اسے بیلجیم سے 2-3 سے شکست کا سامنا کرنا پڑا تھا ۔
