بائرن میونخ کے اسٹرائیکر رابرٹ لیون ڈوسکی کو گلوب فٹبالر کے ایوارڈ سے نوازا گیا ہے۔ پولینڈ کے بین الاقوامی اسٹرائیکر نے 2020 میں بایرن میونخ کی جانب سے کھیلتے ہوئے چیمپئنز لیگ اور بنڈیس لیگا میں کامیابی حاصل کی ہے۔
سال کے بہترین کھلاڑی کا اعزاز حاصل کرنے کے بعد لیون ڈوسکی نے کہا کہ ان کے لئے گلوب ایوارڈ ایک 'خواب' ہے اور یہ خواب سچ ہو گیا ہے کیونکہ میں نے شائقین کے سامنے بڑے اسٹیڈیم میں کھیلنا اور بڑے اعزازات جیتنے کا خواب دیکھا تھا، اور اب میں نے یہ کرکے دکھایا ہے۔ اب جب کہ میں نے یہاں حاضر ہوکر ایوارڈ جیت لیا ہے تو مجھے کافی خوشی محسوس ہورہی ہے۔
جن مداحوں نے مجھے کامیاب کرنے کے لیے ووٹ کیا میں ان کا شکریہ ادا کرنا چاہتا ہوں۔ لہٰذا کرسٹیانو رونالڈو اور (لیونل) میسی جیسے بڑے کھلاڑیوں کے درمیان اعزاز حاصل کرنا ایک بڑی کامیابی ہے، ایسا کرنا کچھ خاص اور حیرت انگیز ہے۔ اس پر مجھے بہت زیادہ خوشی ہے۔ اور میں اپنی بات کو ایک بار پھر دُہرانا چاہوں گا کہ اس پر مجھے بڑی خوشی محسوس ہورہی ہے۔ میں امید کرتا ہوں کہ آئندہ سال بھی میں اپنے مداحوں کی امیدوں پر پورا اتروں گا۔ اور کسی نہ کسی شعبہ میں اعزاز حاصل کروں گا۔
