بھارتی فٹبال کے مقبول ترین کلبوں میں سے ایک محمڈن اسپورٹنگ کے کھلاڑی اور کوچنگ اسٹاف کے عاملہ کا سات دنوں کا قرنطینہ آج مکمل ہو گیا۔
ایک ہفتے کے قرنطینہ کے بعد محمڈن اسپورٹنگ نے آئی لیگ 22-2021 سیزن کے لئے ٹریننگ سیشن کا آغاز کر دیا ہے۔ دوسری طرف محمڈن اسپورٹنگ نے بوسنیا ہرزیگووینا کے فٹبالر سے معاہدہ کر لیا۔
تاریخی کلب انتظامیہ کے مطابق کھلاڑی اور کوچنگ اسٹاف کے عاملہ ملا کر کل 30 لوگ قرنطینہ میں تھے۔ انہیں ایک ہوٹل میں قرنطینہ میں رکھا گیا تھا۔
انہوں نے کہا کہ آل انڈیا فٹبال فیڈریشن کی جانب سے آئی لیگ میں شرکت کرنے والے بھارت کے مختلف ریاستوں کے کلبوں کو ایئر ببل میں رکھنے کی ہدایت دی گئی ہے۔
اسی ہدایت کے مطابق محمڈن اسپورٹنگ کے کھلاڑیوں اور کوچنگ اسٹاف کو بھی اس درمیان ایئر ببل مرحلے سے گزرنا پڑا ہے۔
کلب انتظامیہ کا کہنا ہے کہ آئی لیگ میں شرکت کرنے والی ٹیموں کو قومی فٹبال انتظامیہ (آل انڈیا فٹبال فیڈریشن) کی ہدایت پر سختی سے عمل کرنا لازمی ہے۔
یہ بھی پڑھیں:
Mohammedan Sporting Beats Gokulam Kerala: محمڈن اسپورٹنگ نے گوکلم کیرالہ ایف سی کو 2-6 سے ہرایا
واضح رہے کہ 27 دسمبر سے آئی لیگ کھیلا جائے گا۔ اس ٹورنامنٹ میں کل کی مختلف ریاستوں کے مشہور کلب حصہ لے رہے ہیں۔
رواں ماہ کے 27 دسمبر کو محمڈن اسپورٹنگ کا سدیوا ایف سی (دہلی) سے پہلا مقابلہ شمالی 24 پرگنہ کے نئی ہٹی فٹبال اسٹیڈیم میں کھیلا جائے گا۔ اس کے رئیل کشمیر ایف سی کے زیادہ تر میچ مغربی بنگال کے شمالی 24 پرگنہ کے نئی ہٹی اور ندیا ضلع کے اسٹیڈیمز میں کھیلے جائیں گے۔
دوسری طرف محمڈن اسپورٹنگ نے بوسنیا ہرزیگووینا کے 26 سالہ فٹبالر اسمار تاعندر سے معاہدہ کر لیا. وہ اسٹرائیکر کی پوزیشن پر کھیلتے ہیں۔ اسمار تاعندر محمڈن اسپورٹنگ کے پانچویں غیر ملکی فٹبالر ہیں۔
