چرچل برادرس اور محمڈن اسپورٹنگ کا میچ ڈرا

چرچل برادرس اور میزبان ٹیم محمڈن اسپورٹنگ کے مابین کھیلا گیا میچ بغیر کسی گول کے اختتام پذیر ہوگیا، جس کی وجہ سے دونوں ٹیموں کو ایک ایک پوائنٹ پر اکتفا کرنا پڑا۔

ریاست مغربی بنگال کے ندیا ضلع کے کلیانی میونسپل اسٹیڈیم میں جاری ہیرو ون لیگ فٹبال ٹورنامینٹ میں آج میزبان ٹیم محمڈن اسپورٹنگ اور گوا کی ٹیم چرچل برادرس کے مابین کھیلا گیا۔

میزبان ٹیم محمڈن اسپورٹنگ اور مہمان ٹیم چرچل برادرس نے جارحانہ انداز میں کھیل کی شروعات کی، دونوں ٹیموں نے شروعات سے ہی ایک دوسرے پر سبقت حاصل کرنے کے لیے پے در پے حملے کیے۔

پہلے ہاف کے اختتام تک دونوں ٹیموں کے درمیان برتری کی جنگ جاری رہی لیکن کسی کو کامیابی نہیں ملی اور اسکور 0-0 رہا، دوسرے ہاف میں بھی محمڈن اسپورٹنگ اور چرچل برادرس کے درمیان دلچسپ اور سنسنی خیز مقابلہ دیکھنے کو ملا، دونوں ٹیموں نے جارحانہ کھیل کی بدولت میچ میں اپنی اپنی گرفت مضبوط بنانے کی بھر پور کوشش کی۔

کھیل کے اختتام تک دونوں ٹیموں کے درمیان ایک دوسرے پر سبقت حاصل کرنے کی جنگ جاری رہی لیکن گول کرنے میں کسی کو کامیابی نہیں ملی اور میچ 0-0 پر ختم ہوگیا، میچ برابری پر ختم ہونے کے سبب دونوں ٹیموں کو ایک ایک پوائنٹ پر ہی اکتفا کرنا پڑا۔